Hyderabad: హైదరాబాద్లో విషాదం.. ఇంటి గోడ కూలి ఇద్దరు చిన్నారులకు తీవ్ర గాయాలు.. పరిస్థితి విషమం
వీధిలో ఆడుకుంటున్న చిన్నారులపై ఇంటి గోడకూలిన ఘటన.. హైదరాబాద్ మూసాపేట్లో జరిగింది. స్థానిక ప్రగతినగర్లో ఒక ఇంటి బాల్కనీ గోడ ఒక్కసారిగా కూలిపోయింది. సరిగ్గా అదే సమయంలో అక్కడ ఆడుకుంటున్న చిన్నారులు గౌతమ్, లక్ష్మిలపై శిథిలాలు పడిపోయాయి. సీసీ కెమెరాల్లో రికార్డయిన దృశ్యాలు... ఒళ్లు గగుర్పొడిచేలా ఉన్నాయ్.
Updated on: Jun 04, 2023 | 7:58 AM
వీధిలో ఆడుకుంటున్న చిన్నారులపై ఇంటి గోడకూలిన ఘటన.. హైదరాబాద్ మూసాపేట్లో జరిగింది. స్థానిక ప్రగతినగర్లో ఒక ఇంటి బాల్కనీ గోడ ఒక్కసారిగా కూలిపోయింది. సరిగ్గా అదే సమయంలో అక్కడ ఆడుకుంటున్న చిన్నారులు గౌతమ్, లక్ష్మిలపై శిథిలాలు పడిపోయాయి. సీసీ కెమెరాల్లో రికార్డయిన దృశ్యాలు… ఒళ్లు గగుర్పొడిచేలా ఉన్నాయ్. చెంగుచెంగున పరుగులెత్తుతూ వస్తున్న పసివాళ్లపై… ఒక్కసారిగా గోడపడిపోయిన దృశ్యాలు షాకింగ్కి గురిచేస్తున్నాయ్. మొదటి అంతస్తులోని ఈ గోడ కూలడంతో.. చిన్నారులు తీవ్రంగా గాయపడ్డారు. అటు నడుచుకుంటూ వెళ్తున్న మరో వ్యక్తిపైనా శిథిలాలు పడ్డాయి. అక్కడే ఉన్న తల్లి.. పిల్లల్ని శిథిలాల కింది నుంచి లాగేందుకు ప్రయత్నం చేసింది. కానీ, రాడ్స్తో కూడిన శిథిలాలు బరువుగా ఉండటంతో .. పిల్లల్ని బయటకు లాగడం కష్టతరమైంది. ఆ దృశ్యాల్ని సైతం సీసీ ఫుటేజీలో చూడొచ్చు. ఎలాగోలా బయటకు తీసి ఇద్దరు చిన్నారులను ఆస్పత్రికి తరలించారు.
ప్రస్తుతం ఇద్దరు చిన్నారులకు ఆస్పత్రిలో చికిత్స కొనసాగుతోంది. వారిని రక్షించేందుకు వైద్యులు శ్రమిస్తున్నప్పటికీ.. పరిస్థితి విషమంగానే ఉన్నట్టు తెలుస్తోంది. గోడమొత్తం ఒక్కసారిగా మీదపడటంతో.. ప్రమాద తీవ్రత పెరిగినట్టు తెలుస్తోంది. ప్రగతి నగర్లో ప్రమాదానికి కారణమైన ఇంటిని .. 2007లో నిర్మించారు. అయితే, ముందు భాగంలో బాల్కనీలా కట్టిన రెయిలింగ్కు కొన్నాళ్లుగా పగుళ్లు వచ్చినట్టు తెలుస్తోంది. ఇవాళ ఒక్కసారిగా కుప్పకూలడంతో ఇంతటి ప్రమాదం జరిగింది. చిన్నారుల పాలిట శాపంగా మారింది.
మరిన్ని తెలంగాణ వార్తల కోసం క్లిక్ చేయండి..
