Khairatabad Ganesh: ఈ సారి ఖైరతాబాద్ వినాయకుడు ఎన్ని అడుగులో తెలుసా.. ఇతర విశేషాలు మీకోసం..
ఖైరతాబాద్ గణేషుడు వరల్డ్‌ ఫేమస్‌. గణేష్ ఉత్సవాల్లో ఖైరతాబాద్ స్పెషల్‌ అట్రాక్షన్‌. మరి ఈసారి ఖైరతాబాద్ గణపతి ఎలా ఉండబోతున్నారు? ఈ ప్రశ్న గత ఏడాది నుంచే మొదలైంది. 51 అడుగుల ఎత్తులో నిర్మించ‌నున్న ఈ విగ్రహాన్ని మట్టితో మాత్రమే రూపొందించ‌నున్నారు. ఖైరతాబాద్ గ‌ణేషుడిని మట్టితో రూపొందించ‌డం ఇదే రెండోసారి..
తెలుగు రాష్ట్రాల్లో జరిగే గణేష్ ఉత్సవాల్లో స్పెషల్‌ అట్రాక్షన్‌ ఖైరతాబాద్ మహా గణపతి. ఇక్కడ ఏర్పాటు చేసే విఘ్నేశ్వరునికి ప్రత్యేక స్థానం ఉంటుంది. ఏటా వివిధ రూపాల్లో కొలువుదీరే లంబోదరుడు ఈ ఏడాది ఎలాంటి రూపంలో దర్శనమిస్తాడా అని భక్తులంతా ఎదురుచూస్తున్నారు. వినాయక చవితి సమీపిస్తున్న నేపథ్యంలో ఖైరతాబాద్ గణేశుడి నిర్మాణానికి ఇవాళ అంకురార్పణ జరగనుంది. బుధవారం సాయంత్రం 5 గంటలకు మహాగణపతి కర్ర పూజ నిర్వహించనున్నారు ఖైరతాబాద్ గణేష్ ఉత్సవ కమిటీ.
ఏటా ప్లాస్టర్‌ ఆఫ్‌ పారిస్‌తో వినాయక ప్రతిమలను రూపొందించేవారు. కానీ ఈ ఏడాది తొలిసారిగా మట్టి విగ్రహాన్ని తయారుచేస్తున్నారు. పర్యావరణానికి ఎలాంటి హాని కలిగించకుండా ఎకో ఫ్రెండ్లీ గణేషుణ్ణి రూపొందిస్తున్నారు. ఇందుకోసం కర్ర పూజతో గణనాథుడి విగ్రహ తయారీ ప్రారంభిచారు నిర్వాహకులు.
ఈ పూజా కార్యక్రమంలో భాగ్యనగర్ గణేష్ ఉత్సవ సమితి ప్రధాన కార్యదర్శి భగవంతరావు, దైవజ్ఞ శర్మ పాల్గొన్నారు. కాగా గతేడాది మట్టితో తయారుచేసిన 50 అడుగుల ఎత్తైన శ్రీ పంచముఖ మహాలక్ష్మి గణపతి విగ్రహాన్ని నిర్వాహకులు ప్రతిష్టించారు. ఓ అడుగు పెంచుతున్నారు.. 51 అడుగుల మట్టి విగ్రహాన్ని ఏర్పాటు చేస్తున్నారు.
మరిన్ని ఆధ్యాత్మిక వార్తల కోసం