YS Sharmila: ‘కొత్త పార్టీ సరే.. నాటి నినాదంపై తెలంగాణ ప్రజలకు షర్మిల ఏం చెబుతారు?’..
YS Sharmila New Party: తెలంగాణలో షర్మిల నూతన పార్టీ ఏర్పాటుపై మాజీ ఎమ్మెల్యే గోనె ప్రకాష్ రావు స్పందించారు.
YS Sharmila New Party: తెలంగాణలో షర్మిల నూతన పార్టీ ఏర్పాటుపై మాజీ ఎమ్మెల్యే గోనె ప్రకాష్ రావు స్పందించారు. ఇదే అంశంపై మంగళవారం నాడు టీవీ9తో మాట్లాడిన ఆయన.. షర్మిల నిర్ణయంతో వైఎస్ఆర్ కుటుంబంలో విభేదాలు ఉన్నాయని స్పష్టంగా తెలుస్తోందన్నారు. ఏదో ఒప్పందం ప్రకారమే షర్మిల తెలంగాణలో పార్టీ పెడుతోందని అనుమానం వ్యక్తం చేశారు. గతంలో సమైక్యాంధ్ర నినాదం ఎత్తుకున్న షర్మిల ఇప్పుడు తెలంగాణ ప్రజలకు ఏం సమాధానం చెబుతారని గోనె ప్రకాష్ రావు ప్రశ్నించారు. తెలంగాణలో రాజకీయ శూన్యత అని మాట్లాడుతున్నారని, అది పూర్తిగా అసంబద్ధం అని విమర్శించారు. తెలంగాణలో రాజకీయ శూన్యత లేదన్నారు. వైఎస్ఆర్ పథకాల కంటే మెరుగ్గానే ప్రస్తుతం తెలంగాణ రాష్ట్రంలో సంక్షేమ పథకాలు అమలు అవుతున్నాయని ప్రకాశ్ రావు పేర్కొన్నారు.
ఇదిలాఉండగా, తెలంగాణలో నూతన పార్టీ ఏర్పాటుకై ఏపీ ముఖ్యమంత్రి వైఎస్ జగన్ చెల్లెలు షర్మిల ఏర్పాట్లు చేస్తున్న విషయం తెలిసిందే. ఈ నేపథ్యంలో ఇవాళ ఆమె పలు జిల్లాలకు చెందిన వైఎస్ఆర్ పార్టీ అభిమానులతో సమావేశమయ్యారు. తెలంగాణలో ప్రభుత్వ పాలన, ప్రజల సమ్యలపై వారితో చర్చించారు. అయితే, తెలంగాణలో షర్మిల పార్టీ ఏర్పాటుపై ఇక్కడి నేతలు పలు రకాలుగా స్పందిస్తున్నారు.
Also read: