Watch Video: ఉపాధి కూలీ టీ-షర్ట్ విప్పించి కాంగ్రెస్ స్థానిక నాయకులు.. అసలు విషయం తెలిస్తే షాక్..
జయశంకర్ భూపాలపల్లి జిల్లాలో కాంగ్రెస్ పార్టీ నాయకుల పైశాచిక ఆనందం జనంలో చర్చగా మారింది. ప్రచారంలో భాగంగా ఉపాధిహామి కూలీల వద్దకు వెళ్లిన కొందరు కాంగ్రెస్ స్థానిక నేతలు మండుటెండలో ఓ కూలీ షర్ట్ విప్పించి అర్ధ నగ్నంగా నిలబెట్టారు. ఆ కూలీ ధరించిన టీ షర్ట్ బీఆర్ఎస్ పార్టీకి చెందిన టీ షర్టు కావడమే కారణంగా తెలుస్తోంది. బలవంతంగా కాంగ్రెస్ స్థానిక నేతలు అతని టీ షర్ట్ విప్పించి పారేసిన వీడియో సామాజిక మాధ్యమాల్లో వైరల్గా మారింది.
జయశంకర్ భూపాలపల్లి జిల్లాలో కాంగ్రెస్ పార్టీ నాయకుల పైశాచిక ఆనందం జనంలో చర్చగా మారింది. ప్రచారంలో భాగంగా ఉపాధిహామి కూలీల వద్దకు వెళ్లిన కొందరు కాంగ్రెస్ స్థానిక నేతలు మండుటెండలో ఓ కూలీ షర్ట్ విప్పించి అర్ధ నగ్నంగా నిలబెట్టారు. ఆ కూలీ ధరించిన టీ షర్ట్ బీఆర్ఎస్ పార్టీకి చెందిన టీ షర్టు కావడమే కారణంగా తెలుస్తోంది. బలవంతంగా కాంగ్రెస్ స్థానిక నేతలు అతని టీ షర్ట్ విప్పించి పారేసిన వీడియో సామాజిక మాధ్యమాల్లో వైరల్గా మారింది. లోక్ సభ ఎన్నికల ప్రచారంలో భాగంగా జయశంకర్ భూపాలపల్లి జిల్లా కాటారం మండలం ఒడిపిలవంచ గ్రామంలో కాంగ్రెస్ నాయకులు ప్రచారం నిర్వహించారు. ఉపాధి పనులు జరిగే ప్రాంతానికి వెళ్లి ప్రచారం నిర్వహిస్తున్న క్రమంలో ఓ కూలీ బీఆర్ఎస్కు చెందిన గులాబీ రంగు టీషర్టును ధరించి కనిపించాడు.
దీంతో కాంగ్రెస్ నాయకులు అందరి ముందే.. అతని టీషర్టును విప్పించి విసిరేశారు. అతనికి ఎలాంటి దుస్తులు ఏర్పాటు చేయకుండా అర్ధనగ్నంగా నిలబెట్టారు. మండుటెండలో ఆ కూలీ ఒంటిపై దుస్తులు లేక కొంతసేపు ఇబ్బంది పడ్డాడు. కాంగ్రెస్ నాయకులు ప్రచారం ముగించి వెళ్లిన అనంతరం సదరు కూలీ అదే టీషర్టును ధరించి పనిలో నిమగ్నమయ్యాడు. ఈ సంఘటనను తోటి కూలీలు తమ ఫోన్లలో చిత్రీకరించి సామాజిక మాధ్యమాల్లో పోస్టు చేయడంతో మండలంలో చర్చనీయాంశంగా మారింది.
మరిన్ని తెలంగాణ వార్తల కోసం ఇక్కడ క్లిక్ చేయండి..
