KTR: అరె.. రామన్న ఏంటి ఇలా మారిపోయిండు.. నెట్టింట వైరల్
ఈ ఫొటోలో కేటీఆర్ ఓ మాస్ హీరోలా కనిపిస్తుండటంతో.. ఈ ఫొటో ఇప్పుడు సోషల్ మీడియాలో వైరల్గా మారింది. కేటీఆర్ అభిమానులు, పార్టీ శ్రేణులు తెగ షేర్ చేస్తున్నారు. ఈ కొత్త గెటప్లో ఉన్న ఫొటోను కేటీఆరే స్వయంగా ట్వీట్ చేయటం గమనార్హం. ఇంతకీ ఈ ఫోటో వెనుక ఉన్న కథ ఏంటో తెలుసుకుందాం పదండి...
తెలంగాణ, జనవరి 22: బీఆర్ఎస్ లీడర్ కేటీఆర్ను గడ్డంతో, పెరిగిన జుట్టుతో ఇప్పటివరకు ఎవరూ చూసి ఉండరు. ఆయన ఎప్పుడూ క్లీన్ షేవ్వో క్లాస్గా కనిపిస్తారు. తాజాగా ఆయన లాంగ్ హెయిర్, ఒత్తైన గడ్డంతో ఉన్న ఫోటో నెట్టింట తెగ వైరల్ అవుతుంది. ఈ ఫోటోలో ఆయన ఊర మాస్ హీరోలా ఉన్నారు. ఈ ఫోటోను కేటీఆరే షేర్ చేశారు. అయితే ఇది ఒరిజినల్ గడ్డం, జుట్టు కాదండోయ్. ఓ అభిమాని ఎడిట్ చేసి కేటీఆర్కు పంపించారట. ఆ ఫోటో నచ్చడంతో ట్విట్టర్లో షేర్ చేశారు కేటీఆర్. “ది కమ్ బ్యాక్ ఈజ్ ఆల్వేస్ స్ట్రాంగర్ దేన్ ది సెట్ బ్యాక్” అనే కొటేషన్ను రాసుకొచ్చారు. దీంతో ఓ రేంజ్లో రియాక్షన్స్ వస్తున్నాయ్. “మా రామన్న రియల్ హీరో.. రీల్ హీరోలు పనికిరారు” అంటూ కొందరు పార్టీ కార్యకర్తలు కామెంట్స్ పెడుతున్నారు. కాగా.. ఈ ఫొటోపై “పింక్ ఆంట్స్ టీం USA” అన్న లోగో కనిపిస్తోంది. దీన్ని బట్టి.. ఈ ఫొటోను ఎడిట్ చేసిన ఆ అభిమాని ఎన్నారై అని కొందరు అంటున్నారు.
Tweeting a digitally edited pic sent by an admirer of the Party
If only I could grow my hair and beard 😁 pic.twitter.com/foqNr7GjV2
— KTR (@KTRBRS) January 21, 2024
ఈ మధ్యే ఫేస్ యాప్ బాగా ఫేమస్ అయ్యింది కదా.. వెంటనే కేటీఆర్ ఫోటోతో ఓ అభిమాని ఈ ప్రయోగం చేశాడన్నమాట. మీసం, గడ్డంతో ఆయన లుక్ మొత్తం మార్చేశాడు. కేటీఆర్ ఓ సమావేశంలో ప్రసంగిస్తున్న ఫోటోకు మార్పులు చేశాడు. కేటీఆర్ కొత్త లుక్ ఇప్పుడు సోషల్ మీడియాలో వైరల్ అవుతోంది. కొంతమంది నిజంగానే ఆయన కొత్త లుక్ అనుకొని పొరపాటు పడుతున్నారట.
మరిన్ని తెలంగాణ వార్తల కోసం క్లిక్ చేయండి.