Jeevan Reddy: మాజీ ఎమ్మెల్యే జీవన్‌రెడ్డికి ఆర్టీసీ అధికారులు మరోసారి షాక్.. మైక్‌ పెట్టి మరీ అనౌన్స్‌మెంట్!
బీఆర్ఎస్ నేత, ఆర్మూర్ మాజీ ఎమ్మెల్యే జీవన్‌రెడ్డికి ఆర్టీసీ అధికారులు మరోసారి షాక్ ఇచ్చారు. ఆర్టీసీ స్థలంలో నిర్మించిన జీవన్‌రెడ్డి షాపింగ్ మాల్‌కు నోటీసులు జారీ చేశారు. అద్దె బకాయిల చెల్లింపుపై నోటీసులు ఇచ్చినా స్పందించకపోవడంతో హైకోర్టు ఆదేశాలతో స్వాధీనం చేసుకునేందుకు రంగం సిద్ధం చేశారు అర్టీసీ అధికారులు.
బీఆర్ఎస్ నేత, ఆర్మూర్ మాజీ ఎమ్మెల్యే జీవన్‌రెడ్డికి ఆర్టీసీ అధికారులు మరోసారి షాక్ ఇచ్చారు. ఆర్టీసీ స్థలంలో నిర్మించిన జీవన్‌రెడ్డి షాపింగ్ మాల్‌కు నోటీసులు జారీ చేశారు. అద్దె బకాయిల చెల్లింపుపై నోటీసులు ఇచ్చినా స్పందించకపోవడంతో హైకోర్టు ఆదేశాలతో స్వాధీనం చేసుకునేందుకు రంగం సిద్ధం చేశారు అర్టీసీ అధికారులు. అంతేకాదు.. అద్దె చెల్లింపు విషయంలో నిర్లక్ష్యం వహిస్తుండడంతో జీవన్‌రెడ్డి మాల్‌ను సీజ్ చేయనున్నట్లు, మాల్‌ మొత్తం తిరుగుతూ మైక్‌తో అనౌన్స్‌మెంట్ చేశారు. షాపింగ్ మాల్‌లో ఉన్న అద్దె దుకాణదారులు గమనించాలని విజ్ఞప్తి చేశారు.
ఆర్టీసీ లీజ్‌ స్థలంలో మాల్‌ను నిర్మించిన విశ్వజిత్ ఇన్ఫాస్ట్రక్చర్స్ ప్రైవేట్ లిమిటెడ్ వారికి నోటీసులు ఇచ్చినా స్పందన లేకపోవడంతో చర్యలు తీసుకున్నట్లు ఆర్టీసీ అధికారులు స్పష్టం చేశారు. కనీసం రూ. 3.41 కోట్ల బకాయి అయినా చెల్లించాలంటూ లాస్ట్‌ డే డెడ్‌లైన్ విధించారు. గడువులోగా బకాయి చెల్లించకుంటే ఏ క్షణమైనా జీవన్‌రెడ్డి మాల్‌ను సీజ్ చేసే అవకాశం ఉందన్నారు ఆర్టీసీ అధికారలు.
వాస్తవానికి.. తెలంగాణలో కాంగ్రెస్‌ ప్రభుత్వం అధికారంలోకి రాగానే వివిధ శాఖలపై సమీక్షలు చేసింది. ఆయా శాఖల్లోని బకాయిల లిస్టుల దుమ్ము దులిపారు. ఈ క్రమంలోనే.. ఆర్మూర్‌లోని జీవన్‌రెడ్డి మాల్‌ బకాయిల వ్యవహారం తెరపైకి వచ్చింది. ఆర్టీసీ లీజ్‌ బకాయి 7.23 కోట్లతోపాటు.. విద్యుత్‌ బకాయిలు 2.5 కోట్ల వరకు ఉన్నట్లు గుర్తించి నోటీసులు ఇవ్వడం.. కరెంట్ సరఫరా నిలిపివేయడం లాంటి చర్యలు తీసుకున్నారు. ఎప్పటికప్పుడు వాయిదాలు కోరుతుండడంతో గడువు ఇస్తూ వస్తున్నామని.. మరింత నిర్లక్ష్యం వహించడంతో మాల్‌ సీజ్‌కు నిర్ణయించినట్లు అనౌన్స్‌ చేశారు ఆర్టీసీ అధికారులు. ఇక.. మాల్‌ సీజ్ అనౌన్స్‌ వ్యవహారంపై జీవన్‌రెడ్డి ఎలా స్పందిస్తారో చూడాలి.
మరిన్ని తెలంగాణ వార్తల కోసం ఇక్కడ క్లిక్ చేయండి…
