YouTube: ఈ 5 తప్పులు చేస్తున్నారా? మీ యూట్యూబ్ ఛానెల్ క్లోజ్.. జాగ్రత్త!
Youtube Account: ఈ రోజుల్లో చాలా మంది యూట్యూబ్ ఛానెల్స్ను నిర్వహిస్తున్నారు. రకరకాల వీడియో కంటెంట్లను అప్లోడ్ చేస్తున్నారు. యూట్యూబ్ ద్వారా లక్షలాది రూపాయలు సంపాదించేవారు ఎందరో ఉన్నారు. అయితే కొన్ని పొరపాట్ల వల్ల ఈ ఛానెల్ క్లోజ్ అయ్యే అవకాశం ఉంది. అవేంటో తెలుసుకుందాం..
YouTube ప్రజలకు ఆదాయ వనరుగా మారింది. నేడు ప్రతి ఒక్కరు Instagram, YouTube, Facebook వంటి అనేక సామాజిక మాధ్యమాలకు కనెక్ట్ అవుతున్నారు. కొత్త వీడియోలను చూడటానికి ఇష్టపడే వ్యక్తులు యూట్యూబ్లో ఎక్కువ సమయం గడుపుతారు. యూట్యూబ్లో వీడియోలు తీస్తున్నవారు కొన్ని విషయాలపై ప్రత్యేక శ్రద్ధ వహించాలి. లేకుంటే మీ ఏళ్ల తరబడి శ్రమ వృధా కావచ్చు. చిన్న పొరపాటు వల్ల యూట్యూబ్ ఛానల్ మూతపడే పరిస్థితి రావచ్చు. మీరు కూడా యూట్యూబర్ అయి ఉండి, యూట్యూబ్ నుండి డబ్బు సంపాదిస్తే, మీరు ఇబ్బందుల్లో పడగలిగే తప్పుల గురించి తెలుసుకోవాలి.
- మొదటి తప్పు: మీ యూట్యూబ్ ఖాతా నుండి అభ్యంతరకరమైన లేదా సమాజంలో ద్వేషాన్ని వ్యాప్తి చేసేలా ఏదైనా పోస్ట్ చేయవద్దు. మొదటి తప్పుపై, YouTube మీకు నోటీసు ఇస్తుంది. రెండవ తప్పుపై, మీ యూట్యూబ్ను నిలిపివేస్తుంది. ఇక్కడ గమనించదగ్గ విషయం ఏంటంటే మీ యూట్యూబ్ ఛానెల్ నిలిపివేస్తే 3 నెలల వరకు అకౌంట్ క్లోజ్ ఉంటుంది. మూడు నెలల తర్వాత యూట్యూబ్లో అప్లోడ్ చేసుకోవచ్చు.
- రెండవ తప్పు: YouTubeలో వీడియోను అప్లోడ్ చేసే ముందు కంపెనీ అన్ని నియమాలను సరిగ్గా చదవండి. ఎందుకంటే మీరు YouTube నిబంధనలను ఉల్లంఘిస్తే, మీ ఖాతా మూసివేయవచ్చు. మీరు ఏం చేయవచ్చు.. ఏం చేయకూడదో నిబంధనలలో స్పష్టంగా రాసి ఉంటుంది. నిబంధనలను విస్మరించడం మీ ఖాతాపై తీవ్ర ప్రభావం చూపుతుంది.
- మూడవ తప్పు: యూట్యూబ్లో పాటలు, హాస్యం, అనేక రకాల వీడియోలు అప్లోడ్ అవుతుంటాయి. అయితే మీరు యూట్యూబ్లో ఎటువంటి అసభ్యకరమైన కంటెంట్ను పోస్ట్ చేయకూడదని గుర్తుంచుకోవాలి. మీరు ఇలా చేస్తే, మీ ఖాతా తక్షణ మూసివేస్తుంది.
- నాల్గవ తప్పు: మీరు అనుమతి లేకుండా మీ వీడియోలో ఏదైనా పాట లేదా వీడియో క్లిప్ని ఉపయోగిస్తే మీరు కాపీరైట్ నిబంధనలను ఉల్లంఘిస్తున్నారని అర్థం. అటువంటి పరిస్థితిలో మీ ఛానెల్ మూసివేయవచ్చు.
- ఐదవ తప్పు: మతపరమైన మనోభావాలను దెబ్బతీసే ఏ వీడియోను YouTube ఛానెల్ కోసం చేయవద్దు. మీరు ఇలా చేసినప్పటికీ YouTube మీ ఖాతాను లాక్ చేయవచ్చు.
ఇవి కూడా చదవండి
ఇది కూడా చదవండి: Electric Blanket: ఈ చలికాలంలో వెచ్చగా ఉండే ఎలక్ట్రిక్ దుప్పట్లు.. ఆన్లైన్లో తక్కువ ధరల్లో..!
మరిన్ని టెక్ వార్తల కోసం ఇక్కడ క్లిక్ చేయండి
Follow Us