సూపర్ అప్‌డేట్తో మార్కెట్‌లోకి Maruti Fronx.. ఇంజిన్, టెక్నాలజీతో మతిపోగొట్టేస్తోంది
భారత కార్ల మార్కెట్లో ప్రముఖ సంస్థగా కొనసాగుతున్న Maruti Suzuki తన పాపులర్ కాంపాక్ట్ SUV Fronxకు కొత్త రూపు ఇచ్చేందుకు సిద్ధమవుతున్నట్లు తెలుస్తోంది. ఇప్పటికే Baleno ఫేస్‌లిఫ్ట్‌ను తీసుకొచ్చిన కంపెనీ.. ఇప్పుడు Fronx అప్‌డేటెడ్ వెర్షన్‌పై దృష్టి పెట్టింది. ఈ కొత్త మోడల్ ప్రస్తుతం రోడ్లపై టెస్టింగ్ దశలో కనిపిస్తోంది. పూర్తిగా క్యామోఫ్లాజ్‌తో కప్పి ఉంచిన టెస్ట్ కారుకు సంబంధించిన ఫొటోలు సోషల్ మీడియాలో వైరల్ అవుతున్నాయి. అధికారిక వివరాలు ఇంకా వెల్లడికాకపోయినప్పటికీ, బయటకు వచ్చిన స్పై ఫొటోల ద్వారా డిజైన్‌లో కొన్ని మార్పులు కనిపిస్తున్నాయి.
కొత్త Fronxలో ముఖ్యంగా డిజైన్, సేఫ్టీ ఫీచర్లు, ఇంజిన్ విభాగాల్లో అప్‌డేట్స్ ఉండే అవకాశం ఉంది. Baleno ఫేస్‌లిఫ్ట్‌లో అందించినట్లుగా ఇందులోనూ Level-2 ADAS టెక్నాలజీని తీసుకొచ్చే అవకాశం ఉందని సమాచారం. ఆటోమేటిక్ ఎమర్జెన్సీ బ్రేకింగ్, లేన్ కీప్ అసిస్ట్, అడాప్టివ్ క్రూయిజ్ కంట్రోల్ వంటి ఫీచర్లు అందుబాటులోకి రావచ్చని అంచనా. అయితే కొత్త Fronx విడుదల తేదీ, పూర్తి ఫీచర్ల వివరాలను మారుతి ఇంకా అధికారికంగా ప్రకటించలేదు.
సేఫ్టీ ఫీచర్లు!
కొత్త Maruti Fronx ముందు భాగంలో డ్యూయల్ ఫంక్షన్ LED DRLs, బ్లాక్డ్ అవుట్ ఎలిమెంట్స్‌తో కూడిన స్ప్లిట్ హెడ్‌ల్యాంప్స్, పెద్ద ఫ్రంట్ గ్రిల్ ఉండనున్నట్లు తెలుస్తోంది. ముఖ్యంగా గ్రిల్ డిజైన్‌లో మార్పులు చేశారు. కిందివైపు ఫాక్స్ స్కిడ్ ప్లేట్లను అందించి SUVకి మరింత బోల్డ్ లుక్ ఇచ్చే ప్రయత్నం చేశారు. సైడ్ ప్రొఫైల్‌లో ప్రస్తుత మోడల్‌కు దగ్గరగా ఉండే డిజైన్ కనిపిస్తోంది. వెనుక భాగంలో మాత్రం పెద్దగా మార్పులు ఉండకపోవచ్చని స్పై చిత్రాలను బట్టి అంచనా వేస్తున్నారు.
ఫీచర్ల విషయానికి వస్తే Level-2 ADASలో భాగంగా ఆటోమేటిక్ ఎమర్జెన్సీ బ్రేకింగ్, లేన్ కీప్ అసిస్ట్, అడాప్టివ్ క్రూయిజ్ కంట్రోల్, ఆటోమేటిక్ హై బీమ్ అసిస్ట్ వంటి సదుపాయాలు ఉండవచ్చని సమాచారం. క్యాబిన్‌లో కీ లెస్ ఎంట్రీ, ఆటోమేటిక్ క్లైమేట్ కంట్రోల్, 6 ఎయిర్‌బ్యాగులు, 360 డిగ్రీల కెమెరా, హెడ్స్-అప్ డిస్‌ప్లే, వైర్‌లెస్ Android Auto, Apple CarPlay వంటి ఫీచర్లు కొనసాగే అవకాశం ఉంది. వీటితో పాటు వెంటిలేటెడ్ సీట్లు, 9 అంగుళాల టచ్‌స్క్రీన్, వైర్‌లెస్ ఫోన్ ఛార్జర్, 16 అంగుళాల అల్లాయ్ వీల్స్ వంటి సౌకర్యాలు కూడా ఉండొచ్చు.
కొత్త Z12E ఇంజిన్..
కొత్త Fronxలో ఇంజిన్ పరంగా కీలకమైన మార్పు ఉండే అవకాశం ఉంది. ప్రస్తుతం Baleno, Dzire, Swift మోడళ్లలో ఉపయోగిస్తున్న 1.2 లీటర్ మూడు సిలిండర్ల Z12E పెట్రోల్ ఇంజిన్‌ను ఇందులోనూ అందించవచ్చని సమాచారం. అంతేకాకుండా Maruti Suzuki తక్కువ ఖర్చుతో కూడిన కొత్త Strong Hybrid సిస్టమ్‌పై పనిచేస్తున్నట్లు తెలుస్తోంది. భవిష్యత్తులో ఈ టెక్నాలజీని Fronxలోనూ ప్రవేశపెట్టే అవకాశం ఉన్నప్పటికీ, తొలి అప్‌డేటెడ్ మోడల్‌లోనే హైబ్రిడ్ ఆప్షన్ వస్తుందని చెప్పలేం.
ప్రస్తుతం మార్కెట్లో Maruti Fronx ప్రారంభ ఎక్స్-షోరూమ్ ధర రూ.6.90 లక్షలుగా ఉంది. CNG వెర్షన్ కిలోకు సుమారు 28.51 కిలోమీటర్ల మైలేజీని అందిస్తుంది. కొత్త మోడల్ ధర, మైలేజీ, ఇంజిన్ వివరాలపై అధికారిక సమాచారం రావాల్సి ఉంది. కొత్త డిజైన్, అదనపు సేఫ్టీ ఫీచర్లు, ఇంజిన్ అప్‌డేట్స్‌తో రానున్న Fronxపై మారుతి కారు అభిమానుల్లో ఆసక్తి నెలకొంది.