Youtube Premium: ఫ్రీగా యూట్యూబ్‌ ప్రీమియం సబ్‌స్క్రిప్షన్‌… ఈ సింపుల్‌ టిప్‌తో మరింత సులభం

Youtube On Smart Tv

ప్రస్తుత కాలంలో యూట్యూబ్‌ ట్రెండ్‌ నడుస్తుంది. పెరిగిన స్మార్ట్‌ఫోన్‌ వినియోగం నేపథ్యంలో యూట్యూబ్‌ డిమాండ్‌ తారాస్థాయికు చేరింది. అలాగే ఇళ్లల్లో కూడా స్మార్ట్‌ టీవీలు పెరగడంతో యూట్యూబ్‌ వినియోగం బాగా పెరిగింది. అయితే ఆదాయాన్ని పెంచుకునేందుకు యూట్యూబ్‌ ఇటీవల వీడియో కంటెంట్‌ మధ్యలో యాడ్స్‌ను ప్లే చేస్తుంది. అయితే మంచి కంటెంట్‌ ఎంజాయ్‌ చేస్తున్న సమయంలో ఈ యాడ్స్‌ ఇబ్బందిపెడుతున్నాయి. యాడ్స్‌ లేని కంటెంట్‌ చూడాలంటే కచ్చితంగా యూట్యూబ్‌ ప్రీమియం సబ్‌స్క్రైబ్‌ చేయాల్సి ఉంటుంది. యూట్యూబ్‌ ప్రీమియం ధర సబ్‌స్క్రిప్షన్ వ్యవధి ఆధారంగా మారుతుంది. మూడు నెలల ప్లాన్ ధర రూ. 399, ఒక నెల ప్లాన్ రూ. 129, పన్నెండు నెలల ప్లాన్ ధర రూ. 1,290గా ఉంది. అయితే ఇప్పుడు ఓ మూడు నెలల పాటు యూట్యూబ్‌ ప్రీమియం ఎలా ఉచితంగా పొందవచ్చో? ఓ సారి తెలుసుకుందాం.

మూడు నెలల ఉచిత యూట్యూబ్‌ ప్రీమియం సభ్యత్వం ఇలా

యూట్యూబ్‌ ప్రీమియం సభ్యత్వాన్ని కొనుగోలు చేయని వారికి ఈ ఆఫర్ కనిపిస్తుంది. ఆఫర్‌ను క్లెయిమ్ చేసే ప్రక్రియ చాలా సులభం. యూట్యూబ్‌ యాప్‌ని తెరిచి, మీ ప్రొఫైల్ చిహ్నాన్ని నొక్కి, యూట్యూబ్‌ ప్రీమియం పొందండి ఎంచుకోండి. ఉచిత మూడు నెలల ఆఫర్‌ను ఎంచుకుని, ఆపై 3-నెలల ఉచిత నెలవారీ సభ్యత్వాన్ని నొక్కి మీ బ్యాంక్ కార్డ్ వివరాలను నమోదు చేయాలి. మీరు యూట్యూబ్‌ ప్రీమియంను మూడు నెలల పాటు ఉచితంగా ఉపయోగించగలరు. ఆ తర్వాత మీరు నెలకు రూ. 129 చెల్లించాల్సి ఉంటుంది. ఛార్జీలను నివారించడానికి, ఆఫర్ గడువు ముగిసే కొన్ని రోజుల ముందు వినియోగదారులు సభ్యత్వాన్ని రద్దు చేసుకోవచ్చు. ఒకవేళ మీకు రెండు జీమెయిల్‌ ఐడీలు ఉన్నట్లయితే మీరు యూట్యూబ్‌ సబ్‌స్క్రిప్షన్ కోసం ఉపయోగించని ఖాతాతో కూడా ఆఫర్‌ను క్లెయిమ్ చేయవచ్చు.

ప్రయోజనాలివే

యూట్యూబ్ ప్రీమియం మార్కెట్‌లోని కొన్ని ఇతర ఆడియో స్ట్రీమింగ్ యాప్‌ల కంటే మెరుగైన ఎంపిక, పూర్తిగా వినియోగదారు పొందే ప్రయోజనాల కారణంగా. వినియోగదారులు యూట్యూబ్‌ యాప్‌ని ఉచితంగా ఉపయోగించడమే కాకుండా యూట్యూబ్‌ యాప్‌లో ప్రకటన రహిత వీడియోలను కూడా చూడవచ్చు. 

మరిన్ని టెక్నాలజీ వార్తల కోసం ఇక్కడ క్లిక్ చేయండి..