iPhone EMI: మీరు యాపిల్ ఫోన్ కొనాలనుకుంటున్నారా? ఈఎంఐ ప్లాన్‌తో సొంతం చేసుకోండి
యాపిల్ ఫోన్స్‌కు భారత్‌లో పెరుగుతున్నఆదరణ నేపథ్యంలో ఆ కంపెనీ కూడా ఇటీవల యాపిల్ రిటైల్ స్టోర్స్‌ను ముంబై, ఢిల్లీలో కూడా ప్రారంభించారు. భారత్‌లో యాపిల్ ఫోన్‌ను స్టేటస్ సింబల్‌గా మారింది. ఐఫోన్, ఐమాక్ మొదలైన ఉత్పత్తులు ఆన్‌లైన్, ఆఫ్‌లైన్‌లో అమ్మకందారుల ద్వారా భారతదేశ మార్కెట్లో అందుబాటులో ఉన్నాయి. అయితే ఐ ఫోన్‌ను కూడా మధ్య తరగతి ప్రజలు కొనుగోలు చేయవచ్చు. ఈక్వెటెడ్ మంత్లీ ఇన్‌స్టాల్‌మెంట్( ఈఎంఐ) పద్ధతిలో ఐఫోన్ సొంతం చేసుకోవచ్చు.
Srinu |
Updated on: Apr 25, 2023 | 5:15 PM
స్మార్ట్ ఫోన్ లవర్స్‌కు యాపిల్ ఫోన్స్ అంటే ఓ క్రేజ్. ఎందుకంటే ఆ ఫోన్‌లో వచ్చే ఫీచర్స్, సెక్యూరిటీ సదుపాయాలు ఏ ఇతర ఫోన్స్‌లో రాకపోవడంతో వినియోగదారులను యాపిల్ ఫోన్స్‌ను విపరీతంగా ఆకట్టుకుంటున్నాయి. ముఖ్యంగా యాపిల్ ఫోన్స్ అంటే ఎగువ శ్రేణి ప్రజలే ఎక్కువగా వాడుతుంటారు. యాపిల్ ఫోన్స్‌కు భారత్‌లో పెరుగుతున్నఆదరణ నేపథ్యంలో ఆ కంపెనీ కూడా ఇటీవల యాపిల్ రిటైల్ స్టోర్స్‌ను ముంబై, ఢిల్లీలో కూడా ప్రారంభించారు. భారత్‌లో యాపిల్ ఫోన్‌ను స్టేటస్ సింబల్‌గా మారింది. ఐఫోన్, ఐమాక్ మొదలైన ఉత్పత్తులు ఆన్‌లైన్, ఆఫ్‌లైన్‌లో అమ్మకందారుల ద్వారా భారతదేశ మార్కెట్లో అందుబాటులో ఉన్నాయి. అయితే ఐ ఫోన్‌ను కూడా మధ్య తరగతి ప్రజలు కొనుగోలు చేయవచ్చు. ఈక్వెటెడ్ మంత్లీ ఇన్‌స్టాల్‌మెంట్( ఈఎంఐ) పద్ధతిలో ఐఫోన్ సొంతం చేసుకోవచ్చు. అయితే ఈ పద్ధతిలో ఫోన్ కొనుగోలు చేయాలంటే ఫోన్ ధరపై వడ్డీ కూడా చెల్లించాల్సి ఉంటుంది. నెలనెలా కొంత సొమ్మును కట్టి కట్టాల్సి ఉంటుంది. ఈఎంఐ కింద ఫోన్ కొనాలంటే మీరు ప్రాసెసింగ్ ఫీజులు, వడ్డీ రేటు వంటి ఛార్జీలను తప్పక తనిఖీ చేయాలి. ధర ఎక్కువగా ఉన్నా ఈఎంఐ పద్ధతిలో ఐ ఫోన్ ఎలా కొనాలో? ఓ సారి తెలుసుకుందాం.
ఈఎంఐలో ఫోన్ తీసుకునే సమయంలో జాగ్రత్తలు ఇవే
- మీరు కొనుగోలు చేయాలనుకుంటున్న ఐఫోన్ మోడల్‌ని ఎంచుకోవాలి. దాని ధరను తనిఖీ చేయాలి.
- నిర్దిష్ట ఐఫోన్ మోడల్ ఈఎంఐలో అందుబాటులో ఉందో లేదో ఈ-కామర్స్ వెబ్‌సైట్‌లు లేదా ఆఫ్‌లైన్ రిటైల్ స్టోర్‌లలో అందుబాటులో ఉందో లేదో తనిఖీ చేయాలి.
- మీ బడ్జెట్‌కు అనుగుణంగా రీపేమెంట్ సామర్థ్యానికి తగిన ఈఎంఐ ప్లాన్‌ను ఎంచుకోండి.
- ఈఎంఐ ప్లాన్ యొక్క వడ్డీ రేటు, ప్రాసెసింగ్ ఫీజు మరియు కాలవ్యవధిని తనిఖీ చేయండి.
- అలాగే ఈఎంఐ చెల్లించడానికి మీకు తగిన క్రెడిట్ పరిమితి ఉన్న క్రెడిట్ కార్డ్ లేదా డెబిట్ కార్డ్‌ను తీసుకోవాలి.
- మీరు ఆన్‌లైన్ స్టోర్ నుండి ఐఫోన్‌ను కొనుగోలు చేస్తుంటే ఈఎంఐ చెల్లింపు ఎంపికను ఎంచుకుని ఈఎంఐ చెల్లింపును కొనసాగించడానికి మీరు ఇష్టపడే బ్యాంకును ఎంచుకోండి.
- మీరు ఆఫ్‌లైన్ స్టోర్ నుండి ఐఫోన్‌ను కొనుగోలు చేస్తుంటే ఈఎంఐ చెల్లింపు ప్రక్రియలో సేల్స్‌పర్సన్ మీకు సహాయం చేస్తారు.
- అవసరమైన వివరాలను అందించాలి. అలాగే ఈఎంఐ ప్లాన్‌కు అవసరమైన డాక్యుమెంటేషన్ ప్రక్రియను పూర్తి చేయాలి.
- ఈఎంఐ ప్లాన్ ఆమోదించిన తర్వాత మీరు డౌన్ పేమెంట్ చెల్లించాల్సి ఉంటుంది. మిగిలిన మొత్తం నెలవారీ వాయిదాలుగా విభజించబడుతుంది.
- తర్వాత నెలనెలా చెల్లింపును కట్టాలి.
యాపిల్ అధికారిక వెబ్‌సైట్‌లో అందుబాటులో ఉన్న సమాచారం ప్రకారం హెచ్‌డీఎఫ్‌సీ బ్యాంక్ కార్డులతో ఎంచుకున్న ఉత్పత్తులపై ప్రయోజనాన్ని పొందవచ్చు. అలాగే చాలా బ్యాంకుల నుంచి కూడా నో కాస్ట్ ఈఎంఐ ఎంపిక కూడా అందుబాటులో ఉంది. అలాగే ఎవరైనా Apple స్టోర్‌లో అర్హత కలిగిన మ్యాక్, ఐప్యాడ్, యాపిల్ వాచ్‌ను ఎక్స్చేంజ్ చేసుకోవచ్చు. ఏప్రిల్ 24 నాటికి వెబ్‌సైట్‌లోని సమాచారం ప్రకారం హెచ్‌డీఎఫ్‌సీ కార్డ్‌లపై ఐ ఫోన్ 14 ప్రో, ప్రో మ్యాక్స్ ఫోన్లపై రూ. 6000 తగ్గింపు లభిస్తుంది. అలాగే ఐ ఫోన్ 14, 14 ప్లస్‌పై రూ.5000, ఐఫోన్ 13పై రూ.40000 తగ్గింపు లభిస్తుంది. అలాగే మూడు, ఆరు నెలల ఈఎంఐ ప్లాన్ అందుబాటులో ఉంది.
మరిన్ని టెక్నాలజీ వార్తల కోసం ఇక్కడ క్లిక్ చేయండి
