Realme C51: మరో నయా ఫోన్‌ రిలీజ్‌ చేసిన రియల్‌ మీ.. తక్కువ ధరలో 50 పిక్సెల్‌ కెమెరా.. ఫొటో లవర్స్‌కు పండగే..!
రియల్‌ మీ సీ 51 పేరుతో రిలీజ్‌ చేసిన ఈ కొత్త ఫోన్‌ రెండు రంగు ఎంపికల్లో వస్తుంది. ముఖ్యంగా మధ్యతరగతి ప్రజలను దృష్టిలో పెట్టుకుని రిలీజ్‌ చేసిన ఈ ఫోన్‌ ధర కూడా రూ.8999గా కంపెనీ నిర్ణయించింది. కార్బన్ బ్లాక్, మింట్ గ్రీన్‌ రంగుల్లో వచ్చే ఈ ఫోన్‌ భారతీయ బడ్జెట్ ఫోన్‌ మార్కెట్‌కు అనువుగా ఉంటుందని రియల్‌మీ ప్రతినిధులుపేర్కొంటున్నారు.
ప్రముఖ స్మార్ట్‌ఫోన్ తయారీదారు రియల్‌మీ భారతదేశంలో బడ్జెట్ విభాగంలో మరో కొత్త ఫోన్‌ను ఆవిష్కరించింది. రియల్‌ మీ సీ 51 పేరుతో రిలీజ్‌ చేసిన ఈ కొత్త ఫోన్‌ రెండు రంగు ఎంపికల్లో వస్తుంది. ముఖ్యంగా మధ్యతరగతి ప్రజలను దృష్టిలో పెట్టుకుని రిలీజ్‌ చేసిన ఈ ఫోన్‌ ధర కూడా రూ.8999గా కంపెనీ నిర్ణయించింది. కార్బన్ బ్లాక్, మింట్ గ్రీన్‌ రంగుల్లో వచ్చే ఈ ఫోన్‌ భారతీయ బడ్జెట్ ఫోన్‌ మార్కెట్‌కు అనువుగా ఉంటుందని రియల్‌మీ ప్రతినిధులుపేర్కొంటున్నారు. ముఖ్యంగా ఈ ఫోన్‌ ఫొటో లవర్స్‌కు అనువుగా ఉండేలా రూపొందించారు. బడ్జెట్ ధరలోనే 50 ఎంపీ కెమెరాతో వచ్చే ఈ కొత్త స్మార్ట్‌ఫోన్ 90 హెచ్‌జెడ్‌ రిఫ్రెష్ రేట్‌తో 6.74 అంగుళాల డిస్‌ప్లేతో ఆకర్షణీయంగా ఉంటుంది. అలాగే 33 వాట్స్‌ ఫాస్ట్‌ చార్జింగ్‌తో 5000 ఎఘేహెచ్‌ బ్యాటరీతో వచ్చే ఈ ఫోన్‌ గురించి మరిన్ని వివరాలను తెలుసకుందాం.
రియల్‌మీ సీ 51 ధర, లభ్యత
భారతదేశంలో రియల్‌ మీ 51 ధర రూ.8999గా నిర్ణయించారు. ఈ ఫోన్‌ 4 జీబీ + 64 జీబీ స్టోరేజ్ వేరియంట్‌తో వస్తుంది. ఈ ఫోన్‌ రియల్‌ మీ వెబ్‌సైట్‌తో పాటు, ఫ్లిప్‌కార్ట్‌లో అందుబాటులో ఉంటుంది. అలాగే లాంచ్ ఆఫర్లలో భాగంగా కంపెనీ రూ.500 అదనపు తగ్గింపును అందిస్తోంది. అంటే ఈ ఫోన్‌ హెచ్‌డీఎఫ్‌సీ, ఎస్‌బీఐ, ఐసీఐసీఐ, యాక్సిస్‌, కోటక్‌ బ్యాంకుల కార్డుల ద్వారా కొనుగోలు చేస్తే ఈ తగ్గింపు లభిస్తుంది.
రియల్‌మీ సీ 51 స్పెసిఫికేషన్లు
రియల్‌ మీ సీ 51 90 హెచ్‌జెడ్‌ రిఫ్రెష్ రేట్, 180 హెచ్‌జెడ్‌ టచ్ శాంప్లింగ్ రేట్‌తో 6.74 అంగుళాల హెచ్‌డీ డిస్‌ప్లేతో పని చేస్తుంది. ఈ ఫోన్‌560 నిట్‌ల గరిష్ట ప్రకాశాన్ని అందిస్తుంది. ఆక్టా-కోర్ ప్రాసెసర్‌తో వచ్చే ఈ ఫోన్‌ 4 జీబీ వరకూ వర్చువల్‌ ర్యామ్‌కు మద్ధతునిస్తుంది. ఈ ఫోన్‌ ఆండ్రాయిడ్‌ 13తో పని చ్తేఉంది. రియల్‌ మీ సీ 51 50 మెగాపిక్సెల్ ప్రైమరీ కెమెరాతో పాటు సెకండరీ సెన్సార్‌తో కూడిన డ్యూయల్ రియర్ కెమెరా సెటప్‌ను కలిగి ఉంది. సెల్ఫీలు, వీడియో కాల్‌ల కోసం ముందు వైపున 8 ఎంపీ సెల్ఫీ కెమెరాతో పని చేస్తుంది. ఈ ఫోన్‌ 3.5 ఎంఎం హెడ్‌ఫోన్ జాక్, సైడ్-మౌంటెడ్ ఫింగర్ ప్రింట్ స్కానర్, డ్యూయల్ సిమ్ సపోర్ట్, 3-కార్డ్ స్లాట్‌తో పని చేస్తుంది. ఈ 7.99 ఎంఎం మందంతో కేవలం 186 గ్రాముల బరువుతో లైట్‌ వెయిట్‌తో వస్తుంది.
మరిన్ని టెక్నాలజీ వార్తల కోసం ఇక్కడ క్లిక్ చేయండి..