రెండు స్క్రీన్లతో పిచ్చెక్కించేస్తున్న Acer Sospiro.. RAM, కెమెరా సహా స్పెషాలిటీస్​ ఇవే

Acer Sospiro A70 5g

5G స్మార్ట్‌ఫోన్ విభాగంలో కొత్త ఫీచర్లతో వినియోగదారులను ఆకట్టుకునేందుకు కంపెనీలు ప్రయత్నిస్తున్నాయి. ఈ క్రమంలో Acer తన Sospiro A70 5G మోడల్‌ను పరిచయం చేసింది. 8GB RAM, 256GB స్టోరేజ్, 5,000mAh బ్యాటరీ వంటి స్పెసిఫికేషన్లతో వచ్చిన ఈ ఫోన్ ధరను మాత్రం కంపెనీ ఇంకా వెల్లడించలేదు. దీని డిస్‌ప్లేలు, కెమెరాలు, పనితీరు, కనెక్టివిటీ వివరాలు తెలుసుకుందాం.

రెండు డిస్‌ప్లేలు..

Acer Sospiro A70 5Gలో 6.67 అంగుళాల HD+ IPS ప్రధాన డిస్‌ప్లే ఉంది. ఇది 720 × 1600 పిక్సెల్స్ రిజల్యూషన్‌తో పాటు 120Hz రిఫ్రెష్ రేట్‌కు సపోర్ట్ చేస్తుంది. స్క్రోలింగ్, యానిమేషన్లు మరింత స్మూత్‌గా ఉండేందుకు ఈ రిఫ్రెష్ రేట్ ఉపయోగపడుతుంది.

ఈ ఫోన్ వెనుక కెమెరా మాడ్యూల్ పక్కన 1.88 అంగుళాల TFT సెకండరీ డిస్‌ప్లేను అందించారు. దీని రిజల్యూషన్ 240 × 284 పిక్సెల్స్. ఫొటోలు తీసేటప్పుడు ఈ చిన్న స్క్రీన్‌ను వ్యూఫైండర్‌గా ఉపయోగించుకోవచ్చు. దీంతో ప్రధాన వెనుక కెమెరాతో సెల్ఫీలు తీసుకోవడం సులభమవుతుంది.

ఫొటోగ్రఫీ కోసం వెనుకవైపు 64MP AI ప్రధాన కెమెరాతో పాటు మరో సెకండరీ కెమెరా సెన్సార్‌ను ఇచ్చారు. సెల్ఫీలు, వీడియో కాల్స్ కోసం ముందు భాగంలో 16MP కెమెరా ఉంది. గతంలో వచ్చిన Acer Sospiro A50 మోడల్‌లో 4G LTE కనెక్టివిటీ ఉండగా, కొత్త A70 మోడల్‌లో 5G సపోర్ట్‌ను అందించారు.

Unisoc ప్రాసెసర్..

పనితీరు కోసం ఈ ఫోన్‌లో Unisoc T8200 5G చిప్‌సెట్‌ను ఉపయోగించారు. ఇందులో 8GB ఫిజికల్ RAM, 256GB ఇంటర్నల్ స్టోరేజ్ ఉన్నాయి. అదనంగా 12GB వరకు వర్చువల్ RAM విస్తరణకు సపోర్ట్ ఉండటంతో మొత్తం RAM సామర్థ్యం 20GB వరకు ఉంటుందని కంపెనీ వివరాలు సూచిస్తున్నాయి. అయితే ఇందులో 8GB మాత్రమే అసలు RAM కాగా, మిగిలినది స్టోరేజ్‌ను ఉపయోగించుకునే వర్చువల్ RAM.

మైక్రో SD కార్డు ద్వారా స్టోరేజ్‌ను 1TB వరకు విస్తరించుకోవచ్చు. బ్యాటరీ విషయానికి వస్తే, 5,000mAh సామర్థ్యాన్ని అందించారు. ఫాస్ట్ ఛార్జింగ్ సపోర్ట్ ఉన్నప్పటికీ, ఛార్జింగ్ వేగానికి సంబంధించిన ఖచ్చితమైన వివరాలు వెల్లడికాలేదు.