Balakrishna Comments : నోరు అదుపులో పెట్టుకో.. మా సహనాన్ని పరీక్షించోద్దు.. కొడాలికి బాలయ్య వార్నింగ్

లెజెండ్ బాలయ్య సీన్‌లోకి ఎంట్రీ ఇచ్చారు. ఆంధ్రప్రదేశ్‌లో వరుసగా ఆలయాలపై దుండగులు దాడులు చేస్తూ విగ్రహాలను ధ్వంసం చేస్తున్నారని.. చాలా కిరాతకమైన చర్య అని టీడీపీ ఎమ్మెల్యే బాలకృష్ణ ఆగ్రహం..

Updated on: Jan 06, 2021 | 6:18 PM

TDP MLA Balakrishna Comments : లెజెండ్ బాలయ్య సీన్‌లోకి ఎంట్రీ ఇచ్చారు. ఆంధ్రప్రదేశ్‌లో వరుసగా ఆలయాలపై దుండగులు దాడులు చేస్తూ విగ్రహాలను ధ్వంసం చేస్తున్నారని.. చాలా కిరాతకమైన చర్య అని టీడీపీ ఎమ్మెల్యే బాలకృష్ణ ఆగ్రహం వ్యక్తం చేశారు. బుధవారం హిందూపురంలో పర్యటిస్తున్న ఆయన విలేకరులతో మాట్లాడారు. ఏపీ‌లో రాక్షస పాలన సాగుతోందంటూ డైలాగ్‌ల బాంబులు పేల్చారు. మంత్రి కొడాలి నానికి పరోక్షంగా వార్నింగ్‌ ఇచ్చారు. ఇష్టం వచ్చినట్లు మాట్లాడితే తస్మాత్‌ జాగ్రత్త అంటూ హెచ్చరించారు. పేకాట విషయంలో ఒకడి తమ్ముడు పట్టుబడితే… ఇష్టం వచ్చినట్లు మాట్లాడారు, చట్టమంటే అంత చులకనా అంటూ కామెంట్స్‌ చేశారు బాలకృష్ణ.

రాష్ట్రంలో యువత, రైతులు, కార్మికులు.. అందరూ అన్ని రకాలుగా ఇబ్బందులు పడుతున్నారని.. వినాశకాలే విపరీత బుద్ధి అని, ఇప్పటినుంచే వైసీపీ పతనం ప్రారంభమవుతుందని బాలకృష్ణ వ్యాఖ్యానించారు.

అధికారం కోసం ఎంతకైనా దిగజారే వ్యక్తి చంద్రబాబని అని మంత్రి కొడాలి నాని విమర్శించిన సంగతి తెలిసిందే. నీచ రాజకీయం చేయడం ఆయనకు వెన్నతో పెట్టిన విద్య అని కామెంట్‌ చేశారు. అందుకే మత రాజకీయం చేస్తున్నారని మండిపడ్డారు. మరోవైపు సీఎం జగన్‌ గురించి మాట్లాడితే మిడత లాంటి లోకేష్‌కు మూతి పళ్లు రాలతాయని వార్నింగ్‌ ఇచ్చారు కొడాలి నాని.