US Open 2022: యూఎస్ ఓపెన్ విజేతగా 19 ఏళ్ల కుర్రాడు.. పిన్న వయసులో దిగ్గజాలకు షాకిచ్చి, నంబర్ 1గా మారిన అల్కరాజ్..

Us Open 2022, Carlos Alcaraz

US Open 2022, Carlos Alcaraz: US ఓపెన్ 2022 పురుషుల సింగిల్స్ ఫైనల్ కార్లోస్ అల్కరాజ్ వర్సెస్ కాస్పర్ రూడ్ మధ్య జరిగింది. 19 ఏళ్ల కార్లోస్ అల్కరాజ్ ఈ మ్యాచ్‌లో గెలిచి చరిత్ర సృష్టించాడు. అతను ఫైనల్ మ్యాచ్‌లో 23 ఏళ్ల క్యాస్పర్ రూడ్‌ను ఓడించాడు. ఈ విజయం తర్వాత 19 ఏళ్ల కార్సోల్ అల్కరాజ్ కూడా ప్రపంచ నంబర్ వన్ టెన్నిస్ ప్లేయర్‌గా అవతరించాడు. ఇద్దరు ఆటగాళ్ల మధ్య జరిగిన ఫైనల్ మ్యాచ్‌లో ఉత్కంఠభరిత పోటీ కనిపించింది.

చరిత్ర సృష్టించిన కార్లోస్ అల్కరాజ్..

19 ఏళ్ల కార్లోస్ అల్కారెజ్‌కి ఇదే తొలి గ్రాండ్‌స్లామ్ టైటిల్. ఈ టైటిల్‌తో కార్లోస్ అల్కరాజ్ నంబర్ 1 ర్యాంక్ సాధించిన అతి పిన్న వయస్కుడైన ఆటగాడిగా నిలిచాడు. 1973లో ATP ర్యాంకింగ్స్‌ను ప్రవేశపెట్టినప్పటి నుంచి, అల్కరాజ్ ప్రపంచంలోనే అత్యంత పిన్న వయస్కుడైన ఆటగాడిగా నంబర్ వన్ అయ్యాడు. గతంలో ఈ రికార్డు ఆస్ట్రేలియాకు చెందిన లుటన్ హెవిట్ పేరిట నమోదైంది. ఈ ఘనత సాధించి చరిత్ర సృష్టించాడు. కార్లోస్ అల్కరాజ్ స్పెయిన్ నివాసి.

ఫైనల్‌లో అద్భుత ప్రదర్శన..

ఫైనల్ మ్యాచ్‌లో మూడో సీడ్ అల్కరాజ్ 6-4, 2-6, 7-6 (1), 6-3తో నార్వేకు చెందిన ఐదో సీడ్ కాస్పర్ రూడ్‌ను ఓడించాడు. యూఎస్ ఓపెన్‌లో 32 ఏళ్ల తర్వాత అత్యంత పిన్న వయస్కుడైన ఛాంపియన్‌గా నిలిచాడు. ఇద్దరు ఆటగాళ్ల మధ్య ఈ మ్యాచ్ 3 గంటల 20 నిమిషాల పాటు సాగింది. కార్లోస్ అల్కరాజ్ వర్సెస్ కాస్పర్ రూడ్ ఇద్దరూ నంబర్ వన్ అయ్యే అవకాశం ఉంది. యూఎస్ ఓపెన్ ఫైనల్‌లో గెలిచిన వ్యక్తి కూడా నంబర్ వన్ ప్లేయర్ అవుతాడు. అయితే, అవకాశం మాత్రం కార్లోస్ అల్కరాజ్ అందిపుచ్చుకున్నాడు.

తొలిసారి టైటిల్..

కార్లోస్ అల్కరాజ్ మొదటిసారి గ్రాండ్ స్లామ్ టోర్నమెంట్‌లో ఫైనల్‌కు చేరాడు. అతను మొదటిసారి టైటిల్‌ను గెలుచుకోగలిగాడు. ఈ మ్యాచ్‌కు ముందు సెమీ ఫైనల్ మ్యాచ్‌లో కార్లోస్ అల్కరాజ్ అమెరికాకు చెందిన ఫ్రాన్సిస్ టియాఫోను ఓడించాడు. అతను 6-7 (6), 6-3, 6-1, 6-7 (5), 6-3తో ఫ్రాన్సిస్ టియాఫోను ఓడించాడు.