అనుకున్నదొక్కటి.. అయ్యిందొక్కటి.!

యూనివర్సల్ బాస్ క్రిస్ గేల్‌కు విండీస్ బోర్డు గట్టి షాక్ ఇచ్చింది. టీమిండియాతో జరుగనున్న టెస్ట్ సిరీస్ తర్వాత అంతర్జాతీయ క్రికెట్‌కు వీడ్కోలు పలకాలని భావించిన గేల్‌ ఆశను సెలెక్టర్లు అడియాశ చేశారు. ఇది ఇలా ఉండగా గేల్.. ఇటీవల ముగిసిన వన్డే ప్రపంచకప్ తర్వాత తన రిటైర్మెంట్ ప్రకటిస్తానని చెప్పాడు. కానీ తర్వాత మనసు మార్చుకుని స్వదేశంలో భారత్‌తో జరుగుతున్న టెస్ట్ సిరీస్ అనంతరం రిటైర్ అవుతానని తెలిపాడు. అయితే వన్డే సిరీస్‌కు గేల్‌ను ఎంపిక చేసిన సెలెక్టర్లు.. టెస్ట్ సిరీస్‌కు మాత్రం పక్కన పెట్టారు. మరి ఇప్పుడు గేల్ తన నిర్ణయాన్ని మార్చుకుని వన్డే సిరీస్ తర్వాతే రిటైర్ అవుతాడో లేదో వేచి చూడాలి.

భారత్‌తో టెస్ట్ సిరీస్‌కు..

వెస్టిండీస్ జట్టు: జేసన్ హోల్డర్ (కెప్టెన్), క్రెయిగ్ బ్రాత్‌వైట్, డారెన్ బ్రేవో, షమరాహ్ బ్రూక్స్, జాన్ క్యాంప్‌బెల్, రోస్టన్ చేజ్, రకీం కార్న్‌వాల్, డొవ్రిచ్, గ్యాబ్రియెల్, హిట్‌మైర్, షై హోప్, కీమర్ రోచ్, కీమో పాల్.