సెంచరీతో మహ్మద్ సిరాజ్ టెస్ట్ కెరీర్ క్లోజ్.. రేసులోకి దూసుకొచ్చిన ఇద్దరు..?
Mohammed Siraj Test Replacement: 2026లో మహ్మద్ సిరాజ్ టెస్టు ప్రదర్శన గణనీయంగా పడిపోయింది. మూడు టెస్టుల్లో కేవలం ఐదు వికెట్లు మాత్రమే తీసిన అతని స్థానంపై ఇప్పుడు చర్చ మొదలైంది. సిరాజ్కు ప్రత్యామ్నాయంగా ఇద్దరి పేర్లు తెరపైకి వచ్చేశాయి. వాళ్లు ఎవరో ఓసారి చూద్దాం..!
Mohammed Siraj Test Replacement: మహ్మద్ సిరాజ్ టెస్టు కెరీర్లో 2026 సీజన్ ఆశించిన స్థాయిలో సాగడం లేదు. ఈ ఏడాది మూడు టెస్టులు ఆడిన హైదరాబాద్ పేసర్ కేవలం ఐదు వికెట్లు మాత్రమే పడగొట్టాడు. అతని బౌలింగ్ సగటు 28.60 కాగా.. స్ట్రైక్రేట్ 68.40గా ఉంది. 2025లో 10 టెస్టుల్లో 43 వికెట్లు తీసిన సిరాజ్తో పోలిస్తే ఈ గణాంకాలు గణనీయమైన పతనాన్ని చూపిస్తున్నాయి.
దులీప్ ట్రోఫీలోనూ ఇబ్బందులే..
దేశవాళీ క్రికెట్లో జరుగుతున్న దులీప్ ట్రోఫీ (Duleep Trophy 2026) లోనూ సిరాజ్ ఆశించిన ప్రభావం చూపలేకపోతున్నాడు. ఈస్ట్ జోన్ బ్యాటర్లు అతని బౌలింగ్ను ఎదుర్కొంటూ పరుగులు రాబట్టారు. ముఖ్యంగా వైభవ్ సూర్యవంశీ సిరాజ్పై దూకుడుగా ఆడిన సందర్భం అతని ప్రస్తుత ఫామ్పై చర్చకు కారణమైంది.
నబీకి బలమైన అవకాశం..
సిరాజ్ స్థానానికి రీప్లేస్గా ఔకిబ్ నబీ ముందంజలో ఉన్నాడు. గత రంజీ ట్రోఫీలో (Ranji Trophy) సీజన్లో అత్యధిక వికెట్లు తీసిన బౌలర్గా నిలిచిన అతను.. ఇండియా ఏ (India A) తరపున కూడా ఆడాడు. జస్ప్రీత్ బుమ్రా స్థానంలో శ్రీలంక పర్యటనకు ఎంపికైనా అంతర్జాతీయ అరంగేట్రం చేసే అవకాశం మాత్రం రాలేదు. బంతిని రెండు వైపులా స్వింగ్ చేయడంతో పాటు లైన్, లెంగ్త్పై మంచి నియంత్రణ నబీని ముందంజలో ఉంచుతున్నాయి.
బ్రార్, యశ్ ఠాకూర్ కూడా రేసులో..
గుర్నూర్ బ్రార్ ఇప్పటికే భారత్ తరపున 3 వన్డేలు ఆడాడు. 6 అడుగుల 5 అంగుళాల ఎత్తు అతనికి అదనపు బౌన్స్ అందించే సామర్థ్యాన్ని ఇస్తుంది. 20 ఫస్ట్క్లాస్ మ్యాచ్ల్లో 67 వికెట్లు, 25.00 సగటు, 40.9 స్ట్రైక్రేట్ అతని రికార్డు.
మరో పేసర్ యశ్ ఠాకూర్ కూడా ప్రత్యామ్నాయంగా నిలవగలడు. రెండు వైపులా బంతిని కదిలించగల అతను 33 ఫస్ట్క్లాస్ మ్యాచ్ల్లో 97 వికెట్లు తీశాడు. అతని సగటు 27.58. ఇప్పటికే భారత్ తరపున టీ20 అంతర్జాతీయ అరంగేట్రం చేసిన యశ్.. టెస్టు అవకాశాన్ని కూడా అందుకోవచ్చన్న చర్చ ఉంది.
భారత్ తదుపరి న్యూజిలాండ్ పర్యటనలో టెస్టులు ఆడనుంది. ఆ పరిస్థితులకు పేస్, స్వింగ్తో ఉపయోగపడే బౌలర్ అవసరం కావడంతో సిరాజ్ స్థానంపై సెలెక్టర్లు నిర్ణయం తీసుకునే అవకాశం ఆసక్తికరంగా మారింది. అందుబాటులో ఉన్న ఎంపికల్లో నబీకి ప్రాధాన్యం ఇవ్వవచ్చని తెలుస్తోంది.
మరిన్ని క్రికెట్ వార్తల కోసం ఇక్కడ క్లిక్ చేయండి..