Video: జాంటీ రోడ్స్ బ్రదర్‌లా ఉన్నాడే.. గాల్లోకి ఎగిరి, ఒంటి చెత్తో కళ్లు చెదిరే క్యాచ్.. షాక్‌లో బ్యాటర్..
Pretoria Capitals vs Durban Super Giants: ఎస్ఏ20లో ప్రిటోరియా క్యాపిటల్స్ ప్లేయర్ జిమ్మీ నీషమ్ అద్భుతమైన క్యాచ్ పట్టి అందరినీ ఆశ్చర్యపరిచాడు. ప్రస్తుతం ఈ వీడియో నెట్టింట్లో తెగ వైరలవుతోంది.
ఎస్ఏ20 (SA20) లీగ్‌లో, టోర్నమెంట్‌లోని 28వ మ్యాచ్ ప్రిటోరియా క్యాపిటల్స్ వర్సెస్ డర్బన్ సూపర్ జెయింట్స్ మధ్య జరిగింది. ఈ మ్యాచ్‌లో ప్రిటోరియా క్యాపిటల్స్ ప్లేయర్ జిమ్మీ నీషమ్ అద్భుతమైన క్యాచ్ పట్టి అందరినీ ఆశ్చర్యపరిచాడు. ఈ క్యాచ్‌ని పట్టుకోవడానికి నీషమ్ గాలిలో లాంగ్ జంప్ చేశాడు. నీషమ్ ఈ క్యాచ్ ప్రస్తుతం నెట్టింట్లో దూసుకపోతోంది. ఈ వీడియోని ఎస్ఏ20 అధికారిక ట్విట్టర్ హ్యాండిల్‌తో షేర్ చేశారు.
ఈ క్యాచ్‌ని పట్టుకోవడానికి నీషమ్ లాంగ్ జంప్ తీసుకున్నట్లు ఈ వీడియోలో చూడవచ్చు. జాషువా లిటిల్ ఓవర్‌లో అతను ఈ క్యాచ్ పట్టాడు. లిటిల్ మొదటి ఇన్నింగ్స్‌లో 14వ, తన స్పెల్‌లో మూడో ఓవర్‌ని బౌలింగ్ చేస్తున్నాడు. ఈ ఓవర్‌లో అదే చివరి బంతి. ఈ ఓవర్‌లో లిటిల్ ఇప్పటికే చాలా ఖరీదైనదిగా నిరూపించుకున్నాడు. అతను తన చివరి ఐదు బంతుల్లో 19 పరుగులు ఇచ్చాడు. చివరి బంతిని క్రీజులో ఉన్న బ్యాట్స్‌మెన్ వియాన్ మల్డర్‌ ఆడాడు. ముల్డర్ ఈ బంతిని ఆఫ్ సైడ్ వైపు ఆడాలనుకున్నాడు. అయితే అక్కడ ఫీల్డింగ్‌లో ఉన్న జిమ్మీ నీషమ్ బంతిని గాల్లోకి ఎగిరి ఒంటి చేత్తో స్టన్నింగ్ క్యాచ్ పట్టాడు.
ఈ షేర్ చేసిన వీడియోలో, నీషమ్ మొదట ఈ క్యాచ్ కోసం దూకి, ఆపై దానిని ఒంటి చేత్తో పట్టుకున్నట్లు చూడొచ్చు. క్యాచ్ తీసుకున్న తర్వాత అతను నేలపై పడిపోయాడు. దీంతో వియాన్ ముల్డర్ ఇన్నింగ్స్ 9 పరుగుల వద్ద ముగిసింది.
డర్బన్ సూపర్ జెయింట్స్ భారీ విజయం..
Jimmy Neesham with a spectacular grab ????#Betway #SA20 #PCvDSG @Betway_India pic.twitter.com/MfA8UUFpDd
— Betway SA20 (@SA20_League) February 5, 2023
ఈ మ్యాచ్‌లో డర్బన్ సూపర్ జెయింట్ 151 పరుగుల భారీ విజయాన్ని నమోదు చేసింది. తొలుత బ్యాటింగ్ చేసిన క్వింటన్ డి కాక్ నేతృత్వంలోని డర్బన్ సూపర్ జెయింట్స్ నిర్ణీత 20 ఓవర్లలో 4 వికెట్ల నష్టానికి 254 పరుగులు చేసింది. ఇందులో వికెట్ కీపర్ బ్యాట్స్‌మెన్ హెన్రిచ్ క్లాసెన్ 44 బంతుల్లో 10 ఫోర్లు, 6 సిక్సర్ల సాయంతో 104 పరుగులు చేశాడు. పరుగుల ఛేదనలో ప్రిటోరియా క్యాపిటల్స్ 13.5 ఓవర్లలో 103 పరుగులకు ఆలౌటైంది.
మరిన్ని క్రీడా వార్తల కోసం ఇక్కడ క్లిక్ చేయండి..
