SRH Captain: ఎస్‌ఆర్‌హెచ్ కెప్టెన్‌, వైస్ కెప్టెన్‌గా ఛాంపియన్స్ ప్లేయర్స్.. ఆయనకు న్యాయం చేయాలంటోన్న ఫ్యాన్స్..

Srh Captain

Ishan Kishan SRH Captain: ఐపీఎల్ 2016 ఛాంపియన్ జట్టు సన్‌రైజర్స్ హైదరాబాద్ (SRH) 2026 సీజన్ కోసం కీలక నిర్ణయం తీసుకుంది. జట్టు కెప్టెన్ పాట్ కమ్మిన్స్ వెన్ను గాయం కారణంగా ప్రారంభ మ్యాచ్‌లకు దూరమవ్వాల్సి రావడంతో, అతని స్థానంలో ఇషాన్ కిషన్‌ను తాత్కాలిక కెప్టెన్‌గా ప్రకటించింది. మార్చి 28 నుంచి ప్రారంభమయ్యే ఐపీఎల్ 2026లో SRH తమ మొదటి మ్యాచ్‌ను డిఫెండింగ్ ఛాంపియన్ RCBతో బెంగళూరులోని ఎం. చిన్నస్వామి స్టేడియంలో ఆడనుంది.

ఇషాన్ కిషన్ – కెప్టెన్‌గా కొత్త బాధ్యత

టీ20 వరల్డ్ కప్‌లో అద్భుత ప్రదర్శన చేసిన ఇషాన్ కిషన్‌కు ఇది పెద్ద అవకాశంగా చెప్పుకోవచ్చు. ఐసీసీ టీ20 ర్యాంకింగ్స్‌లో టాప్ బ్యాటర్లలో ఒకరిగా ఉన్న కిషన్ ఇప్పుడు SRH నాయకత్వాన్ని చేపడుతున్నాడు. అయితే, ఇది పూర్తి సీజన్ కాదు. కమ్మిన్స్ తిరిగి జట్టులో చేరిన తర్వాత కెప్టెన్సీ మారే అవకాశం ఉంది. సమాచారం ప్రకారం, కమ్మిన్స్ మార్చి 23న జట్టులో చేరే అవకాశముంది. మొదటి మూడు మ్యాచ్‌లు మిస్ అవుతాడు.

ఇషాన్ కిషన్ IPL కెరీర్ విశేషాలు..

జార్ఖండ్‌కు చెందిన ఇషాన్ కిషన్ 2016లో గుజరాత్ లయన్స్ ద్వారా ఐపీఎల్‌లో ప్రవేశించాడు. ఆ తర్వాత ముంబై ఇండియన్స్ తరఫున అతను కీలక ఆటగాడిగా ఎదిగాడు.

మొత్తం పరుగులు: 3000+

సగటు: 29.11

స్ట్రైక్ రేట్: 137.65

సెంచరీలు: 1

తన దూకుడైన బ్యాటింగ్‌తో కిషన్ జట్టుకు కీలక ఆటగాడిగా మారాడు.

అభిషేక్ శర్మ – వైస్ కెప్టెన్‌గా బాధ్యతలు..

అభిషేక్ శర్మ 2018లో ఐపీఎల్‌లో అడుగుపెట్టాడు. ఢిల్లీ డేర్‌డెవిల్స్ ద్వారా తన కెరీర్ ప్రారంభించిన అతను, తరువాత SRHలో స్థిరపడ్డాడు. అతని స్ట్రైక్ రేట్ (163.02) ఎంతో ఆకర్షణీయంగా ఉన్నప్పటికీ, ఇంకా స్థిరత్వం అవసరం ఉంది.

మొత్తం పరుగులు: 1816

ఇన్నింగ్స్: 77

స్ట్రైక్ రేట్: 163.02

వైస్ కెప్టెన్‌గా అభిషేక్‌కు ఇది తన నాయకత్వ ప్రతిభను నిరూపించుకునే అవకాశం.

SRHకి ఇది గేమ్ ఛేంజర్ అవుతుందా?

ఇషాన్ కిషన్, అభిషేక్ శర్మ లాంటి యువ ఆటగాళ్లకు నాయకత్వం ఇవ్వడం ద్వారా SRH కొత్త దిశగా అడుగులు వేస్తోంది. ఇది జట్టులో కొత్త శక్తిని తీసుకురావడమే కాకుండా, భవిష్యత్ నాయకత్వానికి బలమైన పునాది వేయనుంది.