IND vs NZ: 3వ వన్డే చుట్టూ ఊహించని ట్విస్ట్‌లు.. అదే జరిగితే 7 ఏళ్ల పరువు గోయిందా..!

Ind Vs Nz 3rd Odi Records

India vs New Zealand 3rd ODI: న్యూజిలాండ్‌తో జరుగుతున్న ఐదు వన్డేల సిరీస్‌లో భారత జట్టు అద్భుత ప్రదర్శనతో దూసుకుపోతోంది. ఇప్పటికే రెండు వన్డేలు గెలిచి 2-0 ఆధిక్యాన్ని సాధించిన టీమిండియా, ఇప్పుడు మరో చారిత్రాత్మక విజయం అంచున నిలిచింది. హామిల్టన్‌లోని సెడెన్ పార్క్ వేదికగా రేపు మంగళవారం జరగనున్న మూడో వన్డేలో గెలిస్తే, ఇంకా రెండు మ్యాచ్‌లు మిగిలి ఉండగానే సిరీస్‌ను కైవసం చేసుకుంటుంది.

ఈ మ్యాచ్ భారత జట్టుకు సిరీస్ విజయానికి మించిన ప్రాముఖ్యతను సంతరించుకుంది. న్యూజిలాండ్ సొంతగడ్డపై వన్డే సిరీస్‌లలో అత్యుత్తమ రికార్డును కలిగి ఉంది. వారు చివరిసారిగా 2019 జనవరిలో తమ సొంత మైదానంలో భారత్ చేతిలోనే 1-4తో వన్డే సిరీస్‌ను కోల్పోయారు. ఆ తర్వాత గత ఏడేళ్లుగా వారిని వారి సొంత మైదానంలో ఏ జట్టు కూడా వన్డే సిరీస్‌లో ఓడించలేకపోయింది. ఇప్పుడు, టీమిండియా ఆ అజేయ రికార్డును బద్దలు కొట్టేందుకు సిద్ధంగా ఉంది.

ఎక్కువమంది చదివినది: SRH Retention List: కమిన్స్‌కు కావ్య మారన్ షాక్.. హైదరాబాద్ నుంచి ఆ 8 మంది ఔట్?

సిరీస్‌లో ఇప్పటివరకు జరిగిన మ్యాచ్‌లను పరిశీలిస్తే, టీమిండియా ఆధిపత్యాన్ని స్పష్టంగా తెలుస్తుంది. తొలి వన్డేలో బౌలర్లతో పాటు విరాట్ కోహ్లీ 74 పరుగులు చేయడంతో, భారత్ ఐదు వికెట్ల తేడాతో ఘన విజయం సాధించింది. ఇక రెండో వన్డేలో, గున్నూర్ బార్ నాలుగు వికెట్లతో పాటు మిగతా బౌలర్లు రాణించడంతో, కివీస్‌ను కేవలం 134 పరుగులకే పరిమితం చేశారు. ఆ తర్వాత వర్షం కారణంగా డీఎల్‌ఎస్ పద్ధతిలో టీమిండియా నాలుగు పరుగుల తేడాతో విజయం సాధించింది.

ఎక్కువమంది చదివినది: 109 పరుగులే టార్గెట్.. 7 వికెట్లు పడినా భారత్ ఎలా గెలిచింది.. డీఎల్‌ఎస్ మెథడ్ పూర్తి లెక్క ఇదే..!

అయితే, ఈ మూడో వన్డేకు ఒక పెద్ద ముప్పు పొంచి ఉంది. అదే వర్షం. హామిల్టన్‌లో జరిగే ఈ కీలక మ్యాచ్‌కు వర్షం ఆటంకం కలిగించే అవకాశం ఉంది. వరుణుడు అనుకూలించి, మ్యాచ్ సజావుగా జరిగితే, టీమిండియా విజయం సాధించి ఏడేళ్ల న్యూజిలాండ్ రికార్డును తుడిచిపెట్టడం ఖాయం.

కానీ, న్యూజిలాండ్ జట్టును తక్కువ అంచనా వేయడం సరికాదు. ఇటీవల జరిగిన టీ20 సిరీస్‌లో వరుసగా మూడు మ్యాచ్‌లు ఓడిపోయినప్పటికీ, ఆ తర్వాత రెండు మ్యాచ్‌లలో అద్భుతమైన కమ్‌బ్యాక్ ఇచ్చి తమ పోరాట పటిమను నిరూపించుకుంది. అంతేకాదు, రెండో వన్డేలో కూడా కివీస్ దాదాపుగా గెలిచేంత పని చేసింది. ఈ సమీకరణాలను బట్టి చూస్తే, మూడో వన్డే చాలా ఉత్కంఠభరితంగా, టఫ్‌గా సాగే అవకాశం ఉంది. ఒకవైపు ఏడేళ్ల తర్వాత న్యూజిలాండ్ గడ్డపై సిరీస్ గెలవాలని టీమిండియా ఆశిస్తుంటే, మరోవైపు తమ ప్రతిష్టను నిలబెట్టుకోవాలని కివీస్ పట్టుదలగా ఉంది. దీనికి తోడు వరుణుడు కూడా ఈ మ్యాచ్‌లో ఒక కీలక పాత్ర పోషించవచ్చు. ఇలా అనేక మలుపులతో కూడిన ఈ మ్యాచ్ ఎలా ముగుస్తుందో వేచి చూడాలి.