IND vs NZ Probable Playing XI: మారనున్న టీమిండియా ప్లేయింగ్ 11.. ధర్మశాలలో రోహిత్కు మొదలైన టెన్షన్..
ICC World Cup 2023 India vs New Zealand Playing XI: ఈ ప్రపంచ కప్లో ఇప్పటివరకు భారత్ ఒక్క మ్యాచ్ కూడా ఓడిపోలేదు. కానీ, ఈసారి ఐసీసీ ఈవెంట్లలో టీమిండియాను ప్రతీసారి ఓడించే న్యూజిలాండ్తో టీమిండియా తలపడనుంది. మరి ఈసారి ఫలితం ఎలా ఉంటుందో చూడాలి. అయితే, అంతకుముందే టీమిండియా ప్లేయింగ్ 11లో కీలక మార్పులు చోటు చేసుకున్నాయి.
IND vs NZ Probable Playing XI: వన్డే ప్రపంచకప్-2023లో భారత జట్టు ఇప్పటివరకు అద్భుత ప్రదర్శన కనబరిచింది. రోహిత్ శర్మ సారథ్యంలోని టీమిండియా ఇప్పటి వరకు నాలుగు మ్యాచ్లు ఆడి నాలుగింటిలోనూ విజయం సాధించింది. అయితే ఇప్పుడు ఆదివారం న్యూజిలాండ్తో టీమిండియా తలపడనుంది. ఐసీసీ ఈవెంట్లలో ప్రతిసారీ దెబ్బతీసిన న్యూజిలాండ్తో రోహిత్ సేన పోరాడనుంది. ధర్మశాలలోని హిమాచల్ ప్రదేశ్ క్రికెట్ అసోసియేషన్ స్టేడియంలో ఇరు జట్లు తలపడనున్నాయి. న్యూజిలాండ్ మ్యాచ్కు ముందు, రోహిత్ ప్లేయింగ్-11 సంక్షోభాన్ని ఎదుర్కొంటున్నా. బంగ్లాదేశ్తో జరిగిన చివరి మ్యాచ్లో హార్దిక్ పాండ్యా గాయపడటంతో ఈ సంక్షోభం ఏర్పడింది.
2019 ప్రపంచకప్లో సెమీ ఫైనల్లో భారత్ను ఓడించిన న్యూజిలాండ్.. మరోసారి ఇలా జరగకుండా చూసేందుకు రోహిత్ ప్రయత్నిస్తాడనడంలో ఎలాంటి సందేహం లేదు. అయితే పాండ్యా గైర్హాజరు కారణంగా జట్టు పెద్ద నష్టాన్ని చవిచూసినందున రోహిత్ ముందు సవాలు కఠినంగా మారింది.
ఇప్పుడు రోహిత్ ఏం చేస్తాడు?
పాండ్యా నిష్క్రమణతో జట్టు మొత్తం బ్యాలెన్స్ చెదిరిపోయినందున అతని స్థానంలో ఎవరు ఆడాలనేది రోహిత్ ముందున్న సవాలు. అతని ఉనికితో జట్టుకు ఆరు బౌలింగ్ ఎంపికలు, బ్యాటింగ్లో డెప్త్ ఉన్నాయి. కానీ, ఇప్పుడు జట్టుకు పాండ్యా వంటి ఫాస్ట్ బౌలింగ్ ఆల్ రౌండర్ లేడు. ఇటువంటి పరిస్థితిలో రోహిత్ ఐదు బౌలింగ్ ఎంపికలతో మాత్రమే వెళ్ళవలసి ఉంటుంది. ఇలాంటి పరిస్థితుల్లో సూర్యకుమార్ యాదవ్కు ప్లేయింగ్-11లో అవకాశం దక్కవచ్చు. పాండ్యా లేకపోవడంతో జట్టు బ్యాటింగ్ను పటిష్టం చేసుకోవాల్సి ఉంటుందని, అందుకే సూర్యకుమార్ జట్టులోకి రావడం ఖాయంగా కనిపిస్తోంది. ఇక్కడ భారత్ ఐదుగురు బౌలర్లతో మాత్రమే ఫీల్డింగ్ చేయాల్సి ఉంటుంది.
ఠాకూర్ లేదా షమీ..
జట్టులో మరో మార్పు వచ్చే అవకాశం ఉంది. శార్దూల్ ఠాకూర్ ఫామ్లో లేడు. అతను టీమ్ ఇండియాకు చాలా ఖరీదైన వ్యక్తి అని నిరూపించాడు. ఈ ప్రపంచకప్లో ఇప్పటివరకు ఒక్క మ్యాచ్ కూడా ఆడని అతని స్థానంలో మహమ్మద్ షమీ రావచ్చు. కానీ, రోహిత్ ఠాకూర్కు మరో అవకాశం ఇస్తే ఆశ్చర్యపోనవసరం లేదు. దీనికి కారణం ఠాకూర్ బ్యాట్తో కూడా సహకరించగలడు.
టీమ్ ఇండియా ప్లేయింగ్-11: రోహిత్ శర్మ (కెప్టెన్), శుభ్మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్, సూర్యకుమార్ యాదవ్, రవీంద్ర జడేజా, కుల్దీప్ యాదవ్, శార్దూల్ ఠాకూర్/మహ్మద్ షమీ, మహ్మద్ సిరాజ్, జస్ప్రీత్ బుమ్రా.
మరిన్ని క్రీడా వార్తల కోసం ఇక్కడ క్లిక్ చేయండి..