ICC World Cup 2023: వన్డే ప్రపంచకప్‌లో అత్యధిక వికెట్లు తీసిన బౌలర్లు.. లిస్టులో ఎవరున్నారంటే?

ICC ODI World Cup 2023: ఐసీసీ ప్రపంచ కప్ 2023 అక్టోబర్ 5న భారతదేశంలో ప్రారంభమై.. నవంబర్ 19 వరకు జరిగింది. నిన్న జరిగిన వన్డే ప్రపంచకప్ ఫైనల్లో ఆస్ట్రేలియా భారత్‌ను ఓడించి ఆరోసారి టైటిల్‌ను కైవసం చేసుకుంది. ఈ టోర్నీలో భారత్, ఆస్ట్రేలియాతో పాటు పాకిస్థాన్, ఇంగ్లండ్, న్యూజిలాండ్, శ్రీలంక, దక్షిణాఫ్రికా, బంగ్లాదేశ్, ఆఫ్ఘనిస్థాన్, నెదర్లాండ్స్ పాల్గొన్నాయి.

ప్రపంచ కప్ 2023 (ICC World Cup 2023) ఫైనల్‌లో ఆస్ట్రేలియా 6 వికెట్ల తేడాతో భారత్‌ను ఓడించి 6వ సారి వన్డే ప్రపంచ కప్ ఛాంపియన్ టైటిల్‌ను గెలుచుకుంది. అహ్మదాబాద్‌లోని నరేంద్ర మోదీ స్టేడియంలో జరిగిన ఈ మ్యాచ్‌లో తొలుత బ్యాటింగ్ చేసిన భారత జట్టు 240 పరుగులు చేసింది. ఈ లక్ష్యాన్ని ఆస్ట్రేలియా 43 ఓవర్లలో 4 వికెట్లు మాత్రమే కోల్పోయి సాధించింది. ఈ టోర్నీలో భారత జట్టు వరుసగా 10 మ్యాచ్‌లు గెలిచింది. అయితే, ఫైనల్ మ్యాచ్‌లో తడబడింది.

లీగ్ దశలో అన్ని జట్లు ఒకదానితో ఒకసారి తలపడ్డాయి. టాప్ 4 జట్లు (భారత్, దక్షిణాఫ్రికా, ఆస్ట్రేలియా, న్యూజిలాండ్) సెమీ-ఫైనల్‌కు చేరుకున్నాయి. అయితే, ప్రపంచ కప్ 2023లో అత్యధిక వికెట్లు తీసిన టాప్ 5 బౌలర్లు ఎవరో ఓసారి చూద్దాం..

ICC ODI ప్రపంచ కప్ 2023లో అత్యధిక వికెట్లు తీసిన ఐదుగురు బౌలర్లు వీరే..

1) మహ్మద్ షమీ (భారత్) – మ్యాచ్‌లు – 7, వికెట్లు – 24, సగటు – 10.70, ఎకానమీ రేట్ – 5.26, 4/5 వికెట్ల హాల్ – 1/3, ఉత్తమ ప్రదర్శన – 7/57

2) ఆడమ్ జంపా (ఆస్ట్రేలియా) – మ్యాచ్‌లు – 11, వికెట్లు – 23, సగటు – 22.39, ఎకానమీ రేట్ – 5.36, 4/5 వికెట్ల హాల్ – 3/0, ఉత్తమ ప్రదర్శన – 4/8

3) దిల్షాన్ మధుశంక (శ్రీలంక) – మ్యాచ్‌లు – 9, వికెట్లు – 21, సగటు – 25.00, ఎకానమీ రేట్ – 6.70, 4/5 వికెట్ల హాల్ – 1/1, ఉత్తమ ప్రదర్శన – 5/80

4) జస్ప్రీత్ బుమ్రా (భారతదేశం): మ్యాచ్‌లు – 11, వికెట్లు – 20, సగటు – 18.65, ఎకానమీ రేటు – 4.06, 4/5 వికెట్ల హాల్ – 1/0, ఉత్తమ ప్రదర్శన – 4/39

5) గెరాల్డ్ కోయెట్జీ (దక్షిణాఫ్రికా): మ్యాచ్‌లు – 8, వికెట్లు – 20, సగటు – 19.80, ఎకానమీ రేట్ – 6.23, 4/5 వికెట్ల హాల్ – 1/0, ఉత్తమ ప్రదర్శన – 4/44.

ఇరు జట్లు:

View this post on Instagram

A post shared by ICC Cricket World Cup (@cricketworldcup)

భారత్ (ప్లేయింగ్ XI): రోహిత్ శర్మ(కెప్టెన్), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్(కీపర్), సూర్యకుమార్ యాదవ్, రవీంద్ర జడేజా, మహ్మద్ షమీ, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్.

ఆస్ట్రేలియా (ప్లేయింగ్ XI): ట్రావిస్ హెడ్, డేవిడ్ వార్నర్, మిచెల్ మార్ష్, స్టీవెన్ స్మిత్, మార్నస్ లాబుషాగ్నే, గ్లెన్ మాక్స్‌వెల్, జోష్ ఇంగ్లిస్(కీపర్), మిచెల్ స్టార్క్, పాట్ కమిన్స్(కెప్టెన్), ఆడమ్ జంపా, జోష్ హేజిల్‌వుడ్.

మరిన్ని క్రీడా వార్తల కోసం ఇక్కడ క్లిక్ చేయండి..