MS Dhoni: 683 రోజుల తర్వాత కెప్టెన్‌గా రీఎంట్రీ.. కట్‌చేస్తే.. ఓటమితో ధోని ఖాతాలో చెత్త రికార్డ్..

CSK vs KKR, IPL 2025: ఎంఎస్ ధోని కెప్టెన్సీ కూడా చెన్నై సూపర్ కింగ్స్‌ను ఓటమి నుంచి కాపాడలేకపోయింది. శుక్రవారం ఆ జట్టు కోల్‌కతా నైట్ రైడర్స్ చేతిలో 8 వికెట్ల తేడాతో ఓడిపోయింది. చెపాక్ స్టేడియంలో మొదట బ్యాటింగ్ చేసిన చెన్నై 9 వికెట్ల నష్టానికి 103 పరుగులు చేసింది. కేకేఆర్ 10.1 ఓవర్లలోనే 2 వికెట్లు మాత్రమే కోల్పోయి లక్ష్యాన్ని చేరుకుంది.

కోల్‌కతా నుంచి సునీల్ నరైన్ డబుల్ పెర్ఫార్మెన్స్ ప్రదర్శించాడు. బౌలింగ్ చేస్తూ, అతను 13 పరుగులకు 3 వికెట్లు పడగొట్టాడు. తరువాత కేవలం 18 బంతుల్లో 44 పరుగుల వేగవంతమైన ఇన్నింగ్స్ ఆడాడు. ఆ జట్టు నుంచి వరుణ్ చక్రవర్తి, హర్షిత్ రాణా కూడా చెరో 2 వికెట్లు పడగొట్టారు. వైభవ్ అరోరా, మోయిన్ అలీ తలో 1 వికెట్ పడగొట్టారు.

చెన్నైకి వరుసగా ఐదో ఓటమి..

ఐపీఎల్ 18వ సీజన్‌లో, 5 సార్లు ఛాంపియన్ అయిన చెన్నై సూపర్ కింగ్స్ ఫామ్ చాలా దారుణంగా ఉంది. టోర్నమెంట్‌లో చెన్నై జట్టు వరుసగా ఐదవ ఓటమిని చవిచూసింది. 6 మ్యాచ్‌ల్లో కేవలం 1 విజయంతో, ఆ జట్టు పాయింట్ల పట్టికలో అట్టడుగున ఉంది. 6 మ్యాచ్‌ల్లో మూడో విజయంతో కోల్‌కతా 6 పాయింట్లతో టాప్-3కి చేరుకుంది.

ఇవి కూడా చదవండి

కేకేఆర్‌లో చేరిన డేంజరస్ ఆల్‌రౌండర్.. ఐపీఎల్ మధ్యలో షడన్ ఎంట్రీ

ఔట్ లేదా నాటౌట్? వివాదంగా మారిన రియాన్ పరాగ్ వికెట్

ఢిల్లీకి షాకింగ్ న్యూస్.. ఆర్‌సీబీతో మ్యాచ్‌కు దూరమైన కేటుగాడు?

Priyansh Arya: ప్రీతీ ప్లేయర్ సెంచరీ వెనుక ఇంత కథ ఉందా?

చెపాక్‌లో చెన్నై అత్యల్ప స్కోర్..

ఐపీఎల్‌లో చెపాక్ మైదానంలో చెన్నై అత్యల్ప స్కోరు చేసింది. అంతకుముందు, 2019లో ముంబైపై ఆ జట్టు 109 పరుగులు మాత్రమే చేయగలిగింది. ఏ మైదానంలోనైనా చెన్నై చేసిన అత్యల్ప స్కోరు 79లుగా నిలిచింది. 2013లో ముంబైపై ఈ స్కోర్ చేసింది.