‘ఆహా’ వెబ్‌సిరీస్‌లో రేణు దేశాయ్..!
వీక్షకులకు మరింత ఎంటర్టైన్మెంట్ ఇచ్చేందుకు 'ఆహా' రెడీ అవుతోంది. అన్ని వర్గాల వారిని ఆకట్టుకునే విధంగా వెబ్ సిరీస్‌లను ప్లాన్ చేస్తోంది
Renu Desai in Web Series: వీక్షకులకు మరింత ఎంటర్టైన్మెంట్ ఇచ్చేందుకు ‘ఆహా’ రెడీ అవుతోంది. అన్ని వర్గాల వారిని ఆకట్టుకునే విధంగా వెబ్ సిరీస్‌లను ప్లాన్ చేస్తోంది. ఈ క్రమంలో ‘ఆహా’ నిర్మిస్తోన్న ఓ వెబ్ సిరీస్‌లో రేణు దేశాయ్ నటించబోతున్నట్లు తెలుస్తోంది. కొత్త దర్శకుడు తెరకెక్కిస్తోన్న ఈ వెబ్ సిరీస్ ద్వారానే ఆమె డిజిటల్‌ మీడియాలోకి ఎంట్రీ ఇవ్వబోతున్నట్లు సమాచారం.
ఫిలింనగర్ వర్గాల సమాచారం ప్రకారం.. వెబ్ సిరీస్ కథ విన్న వెంటనే రేణుకు బాగా నచ్చిందట. ఫ్యామిలీ ఎంటర్‌టైనర్‌గా ఈ వెబ్ సిరీస్ ఉండనుండగా.. కామెడీ, ఎమోషన్‌ బాగా ఉండబోతున్నట్లు సమాచారం. ప్రస్తుతం మిగిలిన నటీనటులను ఎంపిక చేస్తుండగా.. కాస్టింగ్ పూర్తి అయిన తరువాత ఈ వెబ్ సిరీస్‌పై అధికారిక ప్రకటన రానున్నట్లు తెలుస్తోంది.
అయితే సినిమాల్లో నటించేందుకు కూడా రేణు దేశాయ్ కూడా సిద్ధమవుతున్నారు. దీనిపై ఆ మధ్యన ఓ ఇంటర్వ్యూలో మాట్లాడిన రేణు.. ప్రభాస్, మహేష్ బాబు చిన్నప్పటి పాత్రలకు తల్లిగా నటిస్తానని అన్నారు. ఇక మరోవైపు రేణు దేశాయ్ కుమారుడు అకీరాను కూడా టాలీవుడ్‌లోకి పరిచయం చేసే ఏర్పాట్లు జరుగుతున్నాయని, రామ్ చరణ్ నిర్మాణంలో అకీరా ఎంట్రీ ఇస్తాడని ఎప్పటి నుంచో వార్తలు వస్తోన్న విషయం తెలిసిందే.
Read More:
