Black Gold: క్రూడ్ ఆయిల్‌ను నల్ల బంగారమని ఎందుకు పిలుస్తారో తెలుసా? ఆర్థిక వ్యవస్థకు బాద్‌షా..
రష్యా, ఉక్రెయిన్‌ యద్ధ ప్రభావంతో పెట్రోల్, డీజిల్ ధరలు కొండెక్కి కూర్చున్నాయి. నిజానికి ప్రపంచంలో అనేక దేశాల్లో అపారమైన పెట్రోలియం నిల్వలు ఉన్నా..
రష్యా, ఉక్రెయిన్‌ యద్ధ ప్రభావంతో పెట్రోల్, డీజిల్ ధరలు కొండెక్కి కూర్చున్నాయి. నిజానికి ప్రపంచంలో అనేక దేశాల్లో అపారమైన పెట్రోలియం నిల్వలు ఉన్నాయి. ముడి చమురు దొరికే దేశాల ఆర్థిక వ్యవస్థలో క్రూడ్ ఆయిల్‌ పాత్ర కీలకమైనది. భూమిలోపల్నుంచి బయటకు తీసినప్పుడు క్రూడ్ ఆయిల్‌ నల్ల రంగులో ఉంటుంది.
నల్లగా ఉన్న క్రూడ్ ఆయిల్‌ (ముడి చమురు)ను శుద్ధి చేసిన తర్వాత దాని రంగు పసుపు రంగులోకి మారుతుంది. అచ్చం బంగారంలా కనిపిస్తుంది. దీని నుంచి పెట్రోల్, డీజిల్, కిరోసిన్‌ వంటి అనేక రకాల ఇంధనాలు తయారు చేస్తారు. వీటి విలువ అంతర్జాతీయ మార్కెట్లో అపారం. అందుకే క్రూడ్ ఆయిల్‌ను బ్లాక్ గోల్డ్ అని అంటారు.చాలా దేశాలు దీన్ని భారీ ధర చెల్లించి దిగుమతి చేసుకుంటున్నాయి. అందుకే దీన్ని నల్ల బంగారం అంటారు.
సౌదీ అరేబియా, అమెరికా, రష్యా, ఇరాక్, కువైట్, కెనడా దేశాలు పెద్ద మొత్తంలో ముడి చమురు ఉత్పత్తి చేస్తాయి. ఈ దేశాల ఆర్థిక వ్యవస్థ వృద్ధి, అభివృద్ధిలో చమురు కీలక పాత్ర పోషిస్తుంది. ప్రపంచవ్యాప్తంగా చమురుకు డిమాండ్ ఉండటంతో ఈ దేశాలు అంతర్జాతీయ ఆర్థిక వ్యవస్థను శాసిస్తున్నాయి.
అంతర్జాతీయ మార్కెట్లో ముడిచమురు ధరల పెరుగుదల నేరుగా పెట్రోల్, డీజిల్‌పై ప్రభావం చూపుతాయి.
2021 సంవత్సరంలో ప్రపంచంలో ఎగుమతయ్యే రెండవ అత్యంత విలువైన వస్తువుగా క్రూడాయిల్ వర్ణించబడింది. గత 2, 3 ఏళ్లలో పెట్రోల్, డీజిల్ ధరలు ఎలా పెరిగాయో.. దాని ప్రభావం ఏ మేరకు ఉందో.. అందరికీ అనుభవమే!