Weight loss Tips: సులభంగా బరువు తగ్గాలనుకుంటున్నారా? అయితే ఈ ఆయుర్వేద చిట్కాలు మీకోసమే..
Weight loss Tips: ఈ రోజుల్లో బరువు పెరగడం వల్ల చాలా మంది ఆందోళన చెందుతున్నారు. అయితే కొన్ని ఆయుర్వేద చిట్కాలను అనుసరించడం వల్ల కొవ్వును సులభంగా కరిగించుకోవచ్చు.
ఆరోగ్యకరమైన కొవ్వులు, ప్రోటీన్లు, కార్బోహైడ్రేట్లు అధికంగా ఉండే ఆహారాన్ని డైట్ లో చేర్చుకోవాలి
బరువు తగ్గడం అంత సులభం కాదు. ఆరోగ్యకరమైన ఆహారం తీసుకోవడంతో పాటు క్రమం తప్పకుండా వ్యాయామం చేయాలి. అయితే బరువు తగ్గడానికి ఇక్కడ కొన్ని ఆయుర్వేద చిట్కాలు ఉన్నాయి. వీటి సహాయంతో మీరు సులభంగా బరువు తగ్గవచ్చు.
ఇంట్లో తయారుచేసిన ఆహారానికే ఎక్కువ ప్రాధాన్యమివ్వాలి. అయితే బిజీ లైఫ్ షెడ్యూల్ కారణంగా చాలా మంది బయట దొరికే అనారోగ్యకరమైన ఆహారాన్ని తింటున్నారు. అవి మన శరీరంపై చాలా చెడు ప్రభావాన్ని చూపుతాయి. కాబట్టి వీలైనంత వరకు ఇంట్లో వండిన ఆహారాన్ని తీసుకోవాలి. పచ్చి కూరగాయలు, పప్పులు ఎక్కువగా తీసుకోవాలి.
రోజూ తగినంత నీరు త్రాగాలి. రోజుకు దాదాపు 2 నుంచి 3 లీటర్ల గోరువెచ్చని నీరు తాగాలి. ఇది జీవక్రియ రేటును వేగవంతం చేస్తుంది. అంతేకాదు కొవ్వును వేగంగా కరిగించడంలో సహాయపడుతుంది.
క్రమం తప్పకుండా యోగా సాధన చేయడం చాలా ముఖ్యం. తిన్న తర్వాత 15 నిమిషాలు నడవండి. ఇది ఆరోగ్యంగా, ఫిట్‌గా ఉండటానికి సహాయపడుతుంది.
ప్రొటీన్లు ఉన్న ఆహారాన్ని ఎక్కువగా తీసుకోవాలి.
రాత్రిపూట ఎక్కువగా తినకూడదు. దీనికి బదులు కావాలంటే మధ్యాహ్నం ఎక్కువగా తినవచ్చు. మధ్యాహ్న భోజనం ఎక్కువగా తినడం వల్ల మీ శరీరం పోషకాలను గ్రహించడానికి తగినంత సమయం లభిస్తుంది. ఈ సమయంలో, ఆరోగ్యకరమైన కొవ్వులు, ప్రోటీన్లు, కార్బోహైడ్రేట్లు అధికంగా ఉండే ఆహారాన్ని తీసుకోవాలి.