Oily Skin: జిడ్డు తగ్గి చర్మం మెరవాలంటే తేనెలో రెండు చుక్కల తులసిరసం వేసి..
కొందరి చర్మ స్వభావం జిడ్డుగా ఉంటుంది. వేసవి వచ్చిందంటే ఈ పరిస్థితి మరింత ఎక్కువవుతుంది. ముఖం జిడ్డుకారుతుంటే మొటిమల సమస్య తలెత్తుతుంది. ఇలాంటప్పుడు జిడ్డు తగ్గి ముఖం తాజాగా మెరవాలంటే..
కొందరి చర్మ స్వభావం జిడ్డుగా ఉంటుంది. వేసవి వచ్చిందంటే ఈ పరిస్థితి మరింత ఎక్కువవుతుంది. ముఖం జిడ్డుకారుతుంటే మొటిమల సమస్య తలెత్తుతుంది. ఇలాంటప్పుడు జిడ్డు తగ్గి ముఖం తాజాగా మెరవాలంటే ఈ చిట్కాలు పాటిస్తే సరి..
ముందుగా తేనెలో రెండు చుక్కల తులసిరసం కొద్దిగా పాలు వేసి బాగా కలుపుకోవాలి.
ఈ మిశ్రమాన్ని ముఖానికి రాసి అరగంట తర్వాత నీళ్లతో కడిగేయాలి. తరచూ ఇలా చేస్తుంటే చక్కని ఫలితం ఉంటుంది.
నిమ్మరసంలో కొద్దిగా నీళ్లు కలిపి అందులో దూదిని ఉండలుగా చేసి వేయాలి. దూది నిమ్మరసాన్ని పీల్చుకున్న తర్వాత ఉండల్ని అరగంటసేపు ఫ్రిజ్‌లో ఉంచి ముఖాన్ని శుభ్రం చేసుకోవాలి. ఇలా చేయడం వల్ల చర్మంపై మురికి తొలగిపోయి తాజాగా ఉంటుంది.
టమాట ముక్కపై కాస్త పంచదార చల్లి ముఖంపై మృదువుగా మసాజ్‌ చేసుకోవాలి. పావుగంట తర్వాత నీళ్లతో కడిగేస్తే చర్మంపై జిడ్డు సులువుగా తొలగిపోయి మెరుపులీనుతుంది.