Cars Production: ఈ కార్ల కథ ఖతం.. ఇక తయారీ బంద్.. ఎందుకో తెలుసుకోండి..
పర్యావరణ కాలుష్యాన్ని తగ్గించేందుకు ప్రభుత్వం శక్తి వంచన లేకుండా చేస్తోంది. అందులో భాగంగా ఆర్టీఈ ఎమిషన్ నిబంధనలు కఠినంగా అమలు చేయనుంది. 2023 ఏప్రిల్ 1 అంటే ఈ రోజు నుంచి ప్రతి వాహన తయారీ దారుడు ఆ నిబంధనలు తప్పనిసరిగా. అందులో భాగంగానే ఇప్పటికే చాలా కంపెనీలు తమ ఉత్పత్తులను అప్ గ్రేడ్ చేశాయి. అయితే మరికొన్ని ఉత్పత్తులను నిబంధనల ప్రకారం నిలిపివేయాల్సి ఉంటుంది. దాదాపు అన్ని దిగ్గజ కంపెనీలకు చెందిన కార్లు ఇందులో ఉన్నాయి. అంటే ఈ రోజు నుంచి ఆ కార్లు ఇక తయారు చేయకూడదు. అంటే అవి ఇక తెరమరుగు అయిపోనున్నాయి. ఆ కార్లు ఏంటో ఓసారి చూద్దాం..
Nissan Kicks.. నిస్సాన్ కంపెనీకి చెందిన కిక్స్ కార్ల ఉత్పత్తని ఆ కంపెనీ నిలిపివేయాల్సి ఉంది. ఇంజిన్లతో ఉండదు. రెండింటి ఉత్పత్తని నిలిపివేయనుంది. అయితే దీని స్థానంలో మరో కొత్త కారు నిస్సాన్ ఎక్స్-ట్రైల్ ను కంపెనీ లాంచింగ్ కి సిద్ధం చేసింది.
Tata Altroz Diesel.. టాటా మోటార్స్ కి చెందిన ఆల్ట్రోజ్ డీజిల్ ఎడిషన్ కూడా కొత్త నిబంధన ప్రకారం నిలివేయాల్సి ఉంటుంది. పెట్రోల్ వేరియంట్లు మార్కెట్లో అందుబాటులో ఉంచుతుంది.
Honda WR-V.. 2017లో తిరిగి ప్రారంభించబడిన WR-V ఇప్పుడు కొత్త ఉద్గార నిబంధనల కారణంగా మార్కెట్ నుండి నిష్క్రమించాల్సి వస్తోంది. ఇది ప్రస్తుతం రెండు వేరియంట్లలో అందుబాటులో ఉంది. పెట్రోల్, డీజిల్, ఈ రెండింటి ఉత్పత్తిని నిలిపివేయనుంది. అయితే కార్లను నిలిపివేయడం వల్ల కంపెనీకి పెద్ద నష్టం వచ్చే అవకాశం లేదు. ఎందుకంటే ఈ రెండు వేరియంట్ల సేల్స్ మన దేశంలో చాలా తక్కువగానే ఉన్నాయి. ఇక దీని స్థానంలో కొత్త కారు వస్తుందా? రాదా అన్ని విషయాన్ని కంపెనీ ఇంకా ప్రకటించలేదు.
Honda City 4th Gen.. భారతీయ మార్కెట్లో మంచి డిమాండ్ ఉన్న కారు హోండా సిటీ. అయితే హోండా సిటీ ఐదో జనరేషన్ ఇప్పటికే అందుబాటులో వచ్చింది. ఇప్పుడు హోండా సిటీ నాలుగో జనరేషన్ కారు ఉత్పత్తిని నిలిపివేయాల్సి వస్తోంది. 2014లో తిరిగి లాంచ్ అయిన ఈ కారు చివరకు హ్యుందాయ్ వెర్నా, మారుతి సుజుకి సియాజ్ లకు మంచి పోటీదారు.
Honda Jazz.. హోండా కంపెనీకే చెందిన మరో కారు హోండా జాజ్ ఉత్పత్తి కూడా ఆ కంపెనీ నిలిపివేయనుంది. మార్కెట్లో దీని డిమాండ్ కూడా తక్కువే. దీంతో కంపెనీకి దీని తొలగింపు వల్ల పెద్దగా నష్టం లేదు.
Mahindra Marazzo.. మహీంద్రా నుంచి మూడు కార్లు ఉత్పత్తి నిలిపివేసే జాబితాలో ఉన్నాయి. వాటిలో మహీంద్రా మరాజో మొదటిది. కొత్త నిబంధనల అమలులోకి రావడంతో దీని ఉత్పత్తని కంపెనీ నిలిపివేస్తోంది. వాస్తవానికి దీని అమ్మకాలు కూడా చాలా తక్కువగా ఉన్నాయి. దీని రివ్యూలు పేలవంగా ఉన్నాయి.
Mahindra KUV 100.. మహీంద్రా నుంచే ఉత్పత్తి నిలిచిపోనున్న మరో కారు కేయూవీ 100 . ఈ మైక్రో ఎస్ యూవీ కాంపాక్ట్ సైజులో ఉన్నప్పటికీ మార్కెట్లో ముద్ర వేయలేకపోయింది. ముందు వరుసలో బెంచ్ సీటును ఉపయోగించుకోవడం వల్ల ముగ్గురు కూర్చొని వీలుంటుంది. అయితే సీటు బెల్ట్ , ఎయిర్బ్యాగ్ నియమాలు వర్తింపజేయలేదు. దీంతో దీని ఉత్పత్తి నిలివేయాల్సి వస్తోంది.
Mahindra Alturas G4.. మహీంద్రా కంపెనీ లో చివరిగా నిలిపివేస్తున్న కంపెనీ కారు అల్టురాస్ జీ4. ఇది చాలా కాలం పాటు కంపెనీ పోర్ట్ఫోలియోలో కొనసాగడం ఆశ్చర్యకరమే. మహీంద్రా అండ్ మహీంద్రా నష్టాల్లో ఉన్న శాంగ్యాంగ్ బ్రాండ్లో తన నియంత్రణ వాటాను విక్రయించిన తర్వాత, అల్టురాస్ భవిష్యత్తు అనిశ్చితంగా మారింది. దీని స్థానంలో కొత్త మహీంద్రా XUV700 వచ్చి చేరింది.
Skoda Octavia.. స్కోడా కంపెనీ నుంచ రెండు కార్లు నిలిచిపోనున్నాయి. స్కోడా ఆక్టావియా ఈ జాబితాలో మొదటి స్థానంలో ఉంది. సెడాన్ అమ్మకాలు క్షీణిస్తున్నప్పటికీ భారతీయ మార్కెట్లో ఈ కారు మంచి సేల్స్ చేసింది. అయినప్పటికీ కొత్త నిబంధనల ప్రకారం దీని ఉత్పత్తని నిలిపివేయాల్సి వస్తోంది.
Skoda Superb.. ఆక్టావియా తర్వార స్కోడా నుంచి తెరమరుగుకానున్న మరో కారు స్కోడా సూపర్బ్. ఈ పెట్రోల్ ఇంజిన్ సెడాన్ కూడా భారత మార్కెట్లో చివరి వరకు బాగానే సేల్స్ చేసింది. అయినప్పటికీ ఉత్పత్తిన నిలిపివేయాల్సిన పరిస్థితి.
Renault Kwid.. ఈ జాబితాలో చేరిన తర్వాతి చిన్న కారు రెనాల్ట్ క్విడ్. 800cc ఇంజన్తో ఆధారితమైన క్విడ్ భారతీయ మార్కెట్లో అత్యంత చౌకైన కార్లలో ఒకటి. చిన్న కుటుంబానికి అనుకూలమైన కారుగా ఉపయోగపడింది. రెనాల్ట్ క్విడ్ ప్రారంభ ధర రూ. 4.64 లక్షలు మాత్రమే. ఇప్పుడు ఇది కూడా తెరమరుగు కానుంది.
Maruti Suzuki Alto 800.. మారుతీ సుజుకీలో ఆల్టో 800 మార్కెట్లో మంచి డిమాండ్ ఉంది. స్థిరంగా నెలవారీ సేల్స్ సాధించగలుగుతుంది. అయితే కొత్త నిబంధనల ప్రకారం ఈ కారును నిలిపివేయాల్సి వస్తోంది. దీనిని అప్ గ్రేడ్ చేయడం సాధ్యం కాకపోవచ్చు.