Viral Photos: అత్యంత విషపూరితమైన చెట్టు.. తస్మాత్ జాగ్రత్త.. తాకితే ప్రాణాలు పోతాయ్.!
ఆక్సిజన్ ఇచ్చి ప్రాణాలు పోసే చెట్ల గురించి మీరు వినే ఉంటారు. కానీ ప్రాణాలు తీసే చెట్టు గురించి ఎప్పుడైనా విన్నారా.?
ఆక్సిజన్ ఇచ్చి ప్రాణాలు పోసే చెట్ల గురించి మీరు వినే ఉంటారు. కానీ ప్రాణాలు తీసే చెట్టు గురించి ఎప్పుడైనా విన్నారా.? అవునండీ మీరు వినేది నిజమే.. ప్రపంచంలోనే అత్యంత విషపూరితమైన చెట్టు ఒకటి ఉంది.
కరేబీయన్ సముద్ర తీరాల్లో కనిపించే ఈ మన్షినిల్ చెట్టు.. ప్రపంచంలోనే అత్యంత విషపూరితమైన చెట్టు. ఇవి ప్రస్తుతం ఉత్తర-దక్షిణ అమెరికా, ఫ్లోరిడా, ది బహమాస్, మెక్సికోలలో కనిపిస్తుంటాయి.
50 అడుగుల వరకు పెరగగలిగే ఈ చెట్లలో ప్రతీ భాగం విషపూరితం. తాకితే చాలు ప్రాణాలకు ముప్పు వాటిల్లినట్లే. ఇక దీని పండ్లు చూడటానికి గ్రీన్ యాపిల్‌లా ఉంటాయి.. కానీ అవి తింటే మనుషులు చనిపోతారు.
ఈ చెట్ల పండ్లను తింటే.. నోట్లో మంట మొదలై.. గొంతు పట్టేస్తుంది. ప్రాణాలకు కూడా ముప్పు వాటిల్లుతుంది.
క్రిస్టోఫర్ కొలంబస్ అనే శాస్త్రవేత్త మంచినిల్ పండుకు ”ఆపిల్ అఫ్ ది డెత్” అని పేరు పెట్టారు. ఈ చెట్టు ఎంతటి విషపూరితమంటే.. పండు రసం కళ్లకు తగిలితే చాలు.. ఆ వ్యక్తి అంధుడు అయినట్లే. వర్షంలో కూడా ఈ చెట్టు కింద నిలబడటం మానవులకు హాని కలుగుతుంది.
కరేబియన్ వడ్రంగులు శతాబ్ద కాలం నుంచి ఈ చెట్టును ఫర్నిచర్ తయారీలో ఉపయోగిస్తున్నారు. దానిని ఉపయోగించే ముందు.. విషాన్ని తొలగించేందుకు ఆ చెట్టు కలపను చాలా రోజులు ఎండలో ఎండబెట్టేవారట.