Tecno Phantom V: టెక్నో నుంచి కళ్లు చెదిరే స్మార్ట్ ఫోన్.. ధరకు తగ్గట్లే, సూపర్ ఫీచర్స్.
ప్రస్తుతం మార్కెట్లో ఫోల్డబుల్ ఫోన్స్ హవా నడుస్తోంది. దాదాపు అన్ని స్మార్ట్ ఫోన్ తయారీ కంపెనీలు మార్కెట్లోకి మడత పెట్టే ఫోన్ లను తీసుకొచ్చాయి. ఈ క్రమంలోనే తాజాగా మార్కెట్లోకి మరో కొత్త ఫోల్డబుల్ స్మార్ట్ ఫోన్ వచ్చేసింది. టెక్నో ఫాంటం వీ ఫోల్డ్ 2 5జీ, ఫాంటం వీ ఫ్లిప్ 2 ఫోన్లు లాంచ్ అయ్యాయి. ఇంతకీ ఈ ఫోన్స్ లో ఎలాంటి ఫీచర్లు ఉన్నాయి, ధర ఎంత ఇలాంటి పూర్తి వివరాలు ఇప్పుడు తెలుసుకుందాం...
చైనాకు చెందిన ప్రముఖ మొబైల్ ఫోన్ తయారీ సంస్థ టెక్నో.. భారత మార్కెట్లోకి కొత్త ఫోల్డబుల్ ఫోన్ ను తీసుకొచ్చింది. టెక్నో ఫాంటం వీ ఫోల్డ్ 2 5జీ, ఫాంటం వీ ఫ్లిప్ 2 పేర్లతో ఈ ఫోన్ ను లాంచ్ చేశారు.
ఈ రెండు ఫోన్ లలో మీడియాటెక్ డైమెన్సిటీ చిప్ సెట్ ప్రాసెసర్ ను అందించారు. టెక్నో ఫాంటం వీ ఫోల్డ్ 2 5జీ ఫోన్ ఆండ్రాయిడ్ 14 ఆపరేటింగ్ సిస్టంతో పని చేస్తుంది. 6.42 అంగుళాల ఫుల్ హెచ్డీ+ (1080×2550 పిక్సెల్స్) అమోలెడ్ స్క్రీన్ , 7.85 అంగుళాల 2కే + (2000×2296 పిక్సెల్స్) అమోలెడ్ స్క్రీన్ డిస్ ప్లేను ఇందులో అందించారు.
కనెక్టివిటీ విషయానికొస్తే.. టెక్నో ఫాంటం వీ ఫోల్డ్ 2 5జీ ఫోన్ 5జీ, 4జీ ఎల్టీఈ, వై-ఫై 6ఈ, బ్లూటూత్ 5.3 వంటి ఫీచర్లను అందించారు. యాక్సెలరో మీటర్, గైరోస్కోప్, అంబియెంట్ లైట్ సెన్సర్, ప్రాగ్జిమిటీ సెన్సర్, హాల్ సెన్సర్, ఈ-కంపాస్, ఫ్లిక్కర్ సెన్సర్ ఫీచర్స్ అందించారు.
టెక్నో ఫాంటం వీ ఫ్లిప్ 2 5జీ ఫోన్ 6.9 ఇంచెస్ తో కూడిన ఫుల్ హెచ్డీ+ ఎల్టీపీఓ అమోలెడ్ స్క్రీన్ ను ఇచ్చారు. ఔట్ సైడ్ లో 3.64 ఇంచెస్ తో కూడిన అమోలెడ్ స్క్రీన్ ను ఇచ్చారు. టెక్నో ఫాంటం వీ ఫోల్డ్ 2 5జీ ఫోన్ ధర రూ.92,200.. టెక్నో ఫాంటం వీ ఫ్లిప్ 2 5జీ ఫోన్ రూ.58,600గా నిర్ణయించారు.
కెమెరా విషయానికొస్తే ఇందులో 50-మెగా పిక్సెల్ ప్రైమరీ సెన్సర్ కెమెరా, 50-మెగా పిక్సెల్ ఆల్ట్రావైడ్ కెమెరా, అన్ ఫోల్డ్ చేసినప్పుడు 32-మెగా పిక్సెల్ కెమెరా విత్ ఆటోఫోకస్ అందించారు. ఈ నెల 23 నుంచి ఆఫ్రికాలో సేల్స్ ప్రారంభం అవుతాయి.