Best Smart Watches: ఆ వాచ్‌ల్లో సూపర్ స్మార్ట్ ఫీచర్లు.. తక్కువ ధరలో ది బెస్ట్ ఇవే మరి
స్మార్ట్‌వాచ్‌లు ఇటీవల కాలంలో యువతను అమితంగా ఆకర్షిస్తున్నాయి. ముఖ్యంగా కాల్స్ రిసీవ్ చేసుకునే ఫీచర్స్‌తో పాటు, హృదయ స్పందన రేటును ట్రాక్ చేసేలా స్మార్ట్ వాచ్‌లు రావడంతో యువతతో పాటు మధ్య వయస్సు ఉన్న స్మార్ట్ వాచ్‌లను వాడేందుకు ఇష్టపడుతున్నారు. ముఖ్యంగా మహిళలు కచ్చితంగా స్మార్ట్ వాచ్ కోరుకుంటున్నారంటే వాటి క్రేజ్ ఎలా ఉందో? మనం అర్థం చేసుకోవచ్చు. పెరిగిన డిమాండ్‌కు అనుగుణంగా చాలా కంపెనీలు తక్కువ ధరల్లోనే స్మార్ట్ వాచ్‌లను అందుబాటులోకి తీసుకుని వస్తున్నాయి. ఈ నేపథ్యంలో ప్రస్తుతం మార్కెట్‌లో రూ.1500 కంటే తక్కువ ధరలో అందుబాటులో ఉన్న సూపర్ స్మార్ట్ వాచ్‌ల గురించి మరిన్ని వివరాలను తెలుసుకుందాం.
ఫైర్-బోల్ట్ ఫీనిక్స్ ప్రో నాణ్యమైన స్మార్ట్‌వాచ్‌ల కోసం వెతుకుతుతుకుతున్న స్మార్ట్ వాచ్ ప్రియులకు చాలా మంచి ఎంపిక 1.39 అంగుళాల డిస్ప్లేతో బ్లూటూత్ కాలింగ్ స్మార్ట్‌వాచ్ అందరినీ ఆకర్షిస్తుంది. వివిధ ఆరోగ్య ఫీచర్లతో వచ్చే ఈ స్మార్ట్ వాచ్ 120 ప్లస్ స్పోర్ట్స్ మోడ్‌లు, ఏఐ వాయిస్ అసిస్టెంట్ ద్వారా పని చేస్తుంది. విభిన్నమైన రంగులు, ప్రత్యే స్టైల్స్‌లో వచ్చే ఈ స్మార్ట్ వాచ్ లుక్స్ పరంగా ప్రీమియం లుక్‌తో వస్తుంది. ఈ స్మార్ట్ వాచ్ ధర రూ.1499గా ఉంది.
నాయిస్ కలర్ ఫిట్ ప్రో 5 మ్యాక్స్ స్మార్ట్ వాచ్ 1.96 అంగుళాల ఎమోఎల్ఈడీ డిస్ప్లేతో వస్తుంది. బ్లూటూత్ కాలింగ్ ఫీచర్‌తో పాటు పోస్ట్-ట్రైనింగ్ వర్కౌట్ విశ్లేషణతో రావడం వల్ల ఫిట్‌నెస్ ఔత్సాహికులను అమితంగా ఆకట్టుకుంటుంది. ప్రస్తుతం ఈ స్మార్ట్ వాచ్ ధర రూ.4299గా ఉంది. అయితే ప్రత్యేక సేల్స్ సమయంలో ఈ వాచ్‌ను ప్రత్యేక ఆఫర్ కింద రూ.1500 కంటే తక్కువకు వస్తుంది.
1500 లోపు మంచి నాణ్యమైన బడ్జెట్ స్మార్ట్‌వాచ్ కోసం వెతుకుతున్న వారికి బోట్ కలర్ వేవ్ కాల్-2 స్మార్ట్ వాచ్ మంచి ఎంపికగా ఉంటుది. 1.83 అంగుళాల హెచ్‌డీ డిస్ప్లేతో అధునాతన బ్లూటూత్ కాలింగ్‌తో ఈ స్మార్ట్ వాచ్ అందరినీ ఆకర్షిస్తుంది. డీఐవై వాచ్ ఫేస్ స్టూడియోతో పాటు 700కి పైగా యాక్టివ్ మోడ్‌లు ఈ వాచ్ ప్రత్యేకత. అలాగే క్రికెట్ ఔత్సాహికులను ఈ వాచ్ అమితంగా ఆకట్టుకుంటుంది. అలాగే ఈ స్మార్ట్‌వాచ్‌లో గరిష్టంగా 10 పరిచయాలను కూడా సేవ్ చేయవచ్చు. ఈ స్మార్ట్ వాచ్ ధర ప్రస్తుతం రూ.1299గా ఉంది.
ఫాస్ట్రాక్ లిమిట్‌లెస్ గ్లైడ్ అద్భుతమైన ఫీచర్లతో యువతను అమితంగా ఆకట్టుకుంటుంది. అధునాతన అల్ట్రా వీయూహెచ్‌డీ డిస్‌ప్లే స్మార్ట్‌వాచ్ బ్లూటూత్ కాలింగ్ ఫీచర్‌తో వస్తుంది. వందకు పైగా స్పోర్ట్స్ మోడ్‌లు, అలాగే అనేక వాచ్ ఫేస్‌లతో ఈ వాచ్ అమితంగా ఆకర్షిస్తుంది. ఇన్‌బిల్ట్ గేమ్‌లతో పాటు వాయిస్ అసిస్టెంట్ ఫీచర్లతో వచ్చే ఈ స్మార్ట్ ఆరోగ్యానికి సంబంధించిన అనేక అప్‌డేట్స్‌ను అందిస్తుంది. ప్రస్తుతం ఈ స్మార్ట్ వాచ్ ధర రూ.1498గా ఉంది.
నాయిస్ కలర్ ఫిట్ పల్స్ త్రీ స్మార్ట్‌వాచ్‌లో 1.96 అంగుళాల డిస్‌ప్లే ఆకట్టుకుంటుంది. ఆటో స్పోర్ట్ డిటెక్షన్‌తో వచ్చే ఈ స్మార్ట్ వాచ్‌లో 170కి పైగా వాచ్ ఫేస్‌లను కలిగి ఉన్నాయి. కర్వ్డ్ డిస్ప్లేతో ఫ్యాషన్ స్టేట్‌మెంట్‌గా వచ్చే ఈ స్మార్ట్ వాచ్ అధునాతన బ్లూటూత్ కాలింగ్‌తో వస్తుంది. స్మార్ట్ డోంట్ డిస్టర్బ్ మోడ్‌‌తో పాటు డిసేబుల్‌గా సౌండ్ స్లీప్ ఈ వాచ్ ప్రత్యేకత. ఈ స్మార్ట్ వాచ్ ధర ప్రస్తుతం రూ.1299గా ఉంది.