Samsung galaxy A06: సామ్సంగ్ నుంచి కొత్త ఫోన్ వచ్చేస్తోంది.. తక్కువ బడ్జెట్‌లో అదిరిపోయే ఫీచర్స్‌
ప్రముఖ ఎలక్ట్రానిక్‌ దిగ్గజం సామ్సంగ్ భారత మార్కెట్లోకి వరుసగా స్మార్ట్‌ ఫోన్స్‌ను లాంచ్‌ చేస్తూ వస్తోంది. ఓవైపు ప్రీమియం మార్కెట్‌ను టార్గెట్‌ చేసుకొని ఫోన్‌లను తీసుకొస్తున్న సామ్సంగ్. మరోవైపు బడ్జెట్‌ ధరలో కూడా మంచి ఫీచర్లతో కూడిన ఫోన్‌లను లాంచ్‌ చేస్తోంది. ఈ క్రమంలోనే తాజాగా భారత మార్కెట్లోకి కొత్త ఫోన్‌ను లాంచ్‌ చేయనుంది. ఇంతకీ ఈ ఫోన్‌లో ఎలాంటి ఫీచర్స్‌ ఉన్నాయి.? ఇప్పుడు తెలుసుకుందాం..
దక్షిణ కొరియాకు చెందిన ఎలక్ట్రానిక్‌ దిగ్గజం సామ్సంగ్ భారత మార్కెట్లోకి కొత్త ఫోన్‌ను లాంచ్‌చేస్తోంది. సామ్సంగ్ గ్యాలక్సీ ఏ06 పేరుతో ఈ ఫోన్‌ను తీసుకొస్తున్నారు. ఈ ఫోన్‌లో ఇంటిగ్రేటెడ్‌ ఫింగర్‌ ప్రింట్‌ స్కానర్‌ను అందించనున్నారు.
ఇక ఈ ఫోన్‌లో 15 వాట్స్‌ ఛార్జింగ్‌కు సపోర్ట్‌ చేసే 5000 ఎంఏహెచ్‌ కెసాపిటీతో కూడిన బ్యాటరీని ఇవ్వనున్నట్లు తెలుస్తోంది. ఈ స్మార్ట్‌ ఫోన్ ఆండ్రాయిడ్ 14 ఆపరేటింగ్ సిస్టమ్‌తో పనిచేస్తుంది. ఈ ఫోన్‌ను బ్లాక్‌ కలర్‌లో లాంచ్‌చేయనున్నారు.
గ్యాలక్సీ ఎ06 స్మార్ట్‌ ఫోన్‌లో 6.7 ఇంచెస్‌తో కూడిన ఎల్‌సీడీ స్క్రీన్‌ను ఇవ్వనున్నారు. ఈ ఫోన్ మీడియా టెక్‌ హీలియో జీ85 ప్రాసెసర్‌తో పనిచేస్తుందని తెలుస్తోంది. ధర విషయానికొస్తే కంపెనీ దీనిపై ఇప్పటి వరకు ఎలాంటి అధికారిక ప్రకటన చేయలేదు.
కనెక్టివిటీ విషయానికొస్తే ఈ స్మార్ట్‌ ఫోన్‌లో 3.5 ఎంఎం హెడ్ ఫోన్ జాక్, యూఎస్బీ టైప్ సీ పోర్ట్, స్పీకర్ గ్రిల్లె వంటి ఫీచర్లను అందించనున్నట్లు తెలుస్తోంది. ఇక నెట్టింట లీక్‌ అయిన సమాచారం ప్రకారం ఈ ఫోన్‌లో డ్యూయల్ రెయిర్ కెమెరా సెటప్‌ను అందించనున్నారు.
ఈ ఫోన్‌లో రెయిర్ సైడ్ ఎల్‌ఈడీ ఫ్లాష్‌ను అందించనున్నారు. ఈ ఫోన్‌లో టైప్ సీ పోర్ట్‌ను అందించనున్నట్లు సమాచారం. ఈ ఫోన్‌ను గ్యాలక్సీ ఏ55, గెలాక్సీ ఏ35 ఫోన్లలో మాదిరిగా కీ ఐలాండ్‌తో రానుంది.