OnePlus Ace 2 Pro: వన్ప్లస్ నుంచి కొత్త స్మార్ట్‌ఫోన్‌ వచ్చేస్తోంది.. ఇంత భారీ ర్యామ్‌తో వస్తోన్న తొలి ఫోన్ ఇదే
చైనాకు చెందిన స్మార్ట్ ఫోన్ దిగ్గజం వన్ప్లస్ తాజాగా మార్కెట్లోకి కొత్త ఫోన్‌ను లాంచ్‌ చేస్తోంది. వన్ప్లస్ ఏస్‌ 2 ప్రో పేరుతో ఈ ఫోన్‌ను తీసుకురానున్నారు. మొన్నటి వరకు బడ్జెట్‌ ధరలో ఫోన్‌లను తీసుకొచ్చిన వన్ప్లస్ మళ్లీ ఈ ఫోన్‌తో ప్రీమియం మార్కెట్‌ను టార్గెట్‌ చేసింది. అత్యంత భారీ ర్యామ్‌తో ఈ ఫోన్‌ను డిజైన్‌ చేయడం విశేషం. ఇక ఈ స్మార్ట్ ఫోన్‌ను ఈ నెల 16వ తేదీన మార్కెట్లోకి తీసుకురానున్నారు. మొదట చైనాలో లాంచ్‌ కానున్న వన్ప్లస్ ఏస్‌ 2 ప్రో, తర్వాత భారత మార్కెట్లోకి రానుంది. ఇంతకీ ఈ స్మార్ట్ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు మీకోసం..
వన్ప్లస్ ఏస్‌ 2 ప్రో పేరు తీసుకొస్తున్న ఈ ఫోన్‌లో వన్ప్లస్ ఏస్‌1, వన్ప్లస్ 11 ఆర్‌ కంటే అడ్వాన్స్‌డ్‌ టెక్నాలజీని ఉపయోగించారు. 24 జీబీ ర్యామ్‌, టిగా బైట్‌ ఇంటర్నల్ స్టోరేజ్‌తో ఈ స్మార్ట్ వస్తోంది.
ఇక ఈ ఫోన్ ఫీచర్ల విషయానికొస్తే ఇందులో బయోనిక్ వైబ్రేషన్ సెన్సర్ మోటార్ ఫీచర్‌ను అందించారు. అలాగే ఇన్‌డిస్‌ప్లే ఫింగర్‌ ప్రింట్‌ సెన్సర్‌ను ఇచ్చారు. ఈ స్మార్ట్ ఫోన్ స్నాప్‌ డ్రాగన్‌ 8 జెన్‌-2 ఎస్వోపీ చిప్‌సెట్‌తో రన్‌ అవుతుంది.
6.74 ఇంచెస్‌తో కూడిన 1.5 కే రిజల్యూషన్‌ స్క్రీన్ ఈ స్మార్ట్ ఫోన్ సొంతం. 120 హెర్ట్జ్ రీఫ్రెష్ రేట్, హెచ్డీఆర్+ సర్టిఫికేషన్, 450 పీపీఐ పిక్సెల్ డెన్సిటీ వంటి ఫీచర్స్‌ను అందించారు.
ఇక బ్యాటరీ విషయానికొస్తే ఈ స్మార్ట్ ఫోన్‌లో 5000 ఎంఏహెచ్ కెపాసిటీ గల బ్యాటరీ విత్ 150 వాట్ల సూపర్ వూక్ చార్జింగ్ సపోర్ట్ ఫీచర్‌ను అందించారు. బండిల్డ్‌ చార్జర్‌తో కేవలం 17 నిమిషాల్లోనే బ్యాటరీ చార్జ్‌ అవుతుంది.
కెమెరా విషయానికొస్తే వన్ప్లస్ ఏస్‌ 2 ప్రో స్మార్ట్ ఫోన్‌లో 50 మెగాపిక్సె్ల్‌ రెయిర్‌ కెమెరాను అందించారు. అలాగే సెల్ఫీల కోసం 16 మెగాపిక్సెల్స్‌తో కూడిన ఫ్రంట్‌ కెమెరాను అందించారు.