Mi Smart Band 6: మరో కొత్త స్మార్ట్‌ వాచ్‌ను లాంచ్‌ చేసిన ఎమ్‌ఐ.. ఆఫర్‌లో భాగంగా రూ. వెయ్యికిపైగా డిస్కౌంట్‌..
Mi Smart Band 6: ప్రముఖ ఎలక్ట్రానిక్‌ దిగ్గజం ఎమ్‌ఐ తాజాగా కొత్త స్మార్ట్‌ వాచ్‌ను లాంచ్‌ చేసింది. ఎమ్‌ఐ స్మార్ట్‌ బ్యాండ్‌ 6 పేరుతో తీసుకొచ్చిన ఈ స్మార్ట్‌ వాచ్‌లో ఆకట్టుకునే ఫీచర్లు ఉన్నాయి..
ప్రస్తుతం స్మార్ట్‌ వాచ్‌ల హవా నడుస్తోంది. దాదాపు అన్ని టాప్‌ కంపెనీలు స్మార్ట్‌ వాచ్‌లను రూపొందిస్తున్నాయి ఈ క్రమంలోనే ఎమ్‌ఐ కొత్త స్మార్ట్‌ వాచ్‌ను లాంచ్‌ చేసింది.
ఎమ్‌ఐ స్మార్ట్‌ బ్యాండ్‌ 6 పేరుతో తీసుకొచ్చిన ఈ స్మార్ట్‌ వాచ్‌లో ఆకట్టుకునే ఫీచర్లను అందించింది. ఈ వాచ్‌ అసలు ధర రూ. 3,999 కాగా.. ప్రస్తుతం నడుస్తోన్న అమెజాన్‌ గ్రేట్‌ ఇండియన్‌ ఫెస్టివల్ సేల్‌లో రూ. 1000 డిస్కౌంట్‌ లభిస్తోంది. అంతేకాకుండా పలు బ్యాంకుల కార్డులపై అధనంగా మరో 10శాతం డిస్కౌంట్‌ కూడా లభిస్తోంది.
ఇక ఈ స్మార్ట్‌ వాచ్‌ ఫీచర్ల విషయానికొస్తే.. ఇందులో 1.56 అంగుళాల అమోఎల్‌ఈడీ డిస్‌ప్లేను అందించారు. ఇందులో స్విమ్మింగ్, స్ట్రోక్ కౌంట్, డిస్టెన్స్.. ఇలా 30కి పైగా స్పోర్ట్స్ యాక్టివిటీస్ను ట్రాక్ చేసే సదుపాయం ఉంది.
దీనిని ఒక్కసారి ఛార్జ్‌ చేస్తే 2 వారాలకు పైగా బ్యాటరీ బ్యాకప్ ఇస్తుంది. హార్ట్ బీట్‌తోపాటు, 24/7 ట్రాక్ చేసే హార్ట్ రేట్ను మానిటరింగ్చేయగలదు. అంతేకాకుండా దీనితో స్మార్ట్‌ ఫోన్‌లోని మ్యూజిక్‌ను కూడా కంట్రోల్‌ చేయవచ్చు.
ఈ వాచ్‌ నీటిలో తడిచిన ఎలాంటి సమస్య ఉండదు. ఇందులో వాటర్ రెసిస్టెన్స్‌ను అందించారు. వీటితో పాటు SpO2 ట్రాకింగ్, మహిళల హెల్త్ ట్రాకింగ్, పర్సనల్యాక్టివిటీ ఇంటెలిజెన్స్ వంటి ఫీచర్లు కూడా దీని సొంతం.