Fire Boltt Gladiator: అచ్చంగా యాపిల్‌ను పోలిన స్మార్ట్ వాచ్‌.. ధర కేవలం రూ. 2500 మాత్రమే..
ఫైర్‌ బోల్ట్‌ తాజాగా మార్కెట్లోకి బడ్జెట్‌ స్మార్ట్ ఫోన్‌ను లాంచ్‌ చేస్తోంది. ఫైర్‌ బోల్ట్‌ గ్లాడియేటర్‌ పేరుతో తీసుకొస్తున్న ఈ స్మార్ట్ వాచ్‌ అచ్చంగా యాపిల్ వాచ్‌ను పోలి ఉండడం విశేషం..
యాపిల్ నుంచి వచ్చే ప్రతీ ప్రొడక్ట్‌కు ఎంతో క్రేజ్‌ ఉంటుందని ప్రత్యేకంగా చెప్పాల్సిన పనిలేదు. ఈ బ్రాండ్‌ నుంచి వచ్చిన స్మార్ట్ వాచ్‌లు కూడా అదే స్థాయిలో ఆధారణ దక్కించుకున్నాయి. అయితే ధర విషయంలో యాపిల్ అందరికీ అందుబాటులో ఉండదు.
ఈ నేపథ్యంలో తాజాగా ఫైర్‌ బోల్ట్‌ కంపెనీ అచ్చంగా యాపిల్ వాచ్‌ మోడల్‌ను పోలిన ఓ స్మార్ట్ వాచ్‌ను లాంచ్‌ చేసింది. ఫైర్‌ బోల్ట్‌ గ్లాడియేటర్‌ పేరుతో తీసుకొచ్చిన ఈ స్మార్ట్ వాచ్‌లపై అదిరిపేయ ఫీచర్లను అందించారు.
ఈ స్మార్ట్‌వాచ్‌ ఫీచర్ల విషయానికొస్తే ఇందులో 1.96 ఇంచెస్‌ డిస్‌ప్లేను అందించారు. 600 నిట్స్‌ బ్రైట్‌నెస్‌తో వాచ్‌ పనిచేస్తుంది. కేవలం 5 నిమిషాలు ఛార్జింగ్ చేస్తే 24 గంటలపాటు పని చేస్తుంది.
ఇక ఈ వాచ్‌లో హార్ట్‌రేట్, ఎస్‌పీఓ2లతో పాటు మహిళల కోసం ప్రత్యేకంగా మెనుస్ట్రుయల్ సైకిల్ ఫీచర్‌ను అందించారు. వీటితో పాటు ఐపీ67 వాటర్‌ రెసిస్టెంట్‌ను అందించారు.
ఈ వాచ్‌ను బ్లాక్‌, బ్లూ, గోల్డ్‌ రంగుల్లో అందుబాటులో ఉంది. డిసెంబర్‌ 30 నుంచి ఆన్‌లైన్‌ మార్కెట్లో అందుబాటులోకి రానుంది. ధర విషయానికొస్తే రూ. 2499కి అందుబాటులో ఉంది.