Blaupunkt Sigma 40-inch: రూ. 13 వేలకే 40 ఇంచులు స్మార్ట్‌ టీవీ.. అదుర్స్‌ అనిపించే ఫీచర్స్‌
జర్మనీకి చెందిన ప్రముఖ ఎలక్ట్రానిక్‌ కంపెనీ బ్లౌపంక్ట్ ఇండియన్‌ మార్కెట్లోకి కొత్త స్మార్ట్‌ టీవీని లాంచ్‌ చేసింది. బ్లౌపంక్ట్ సిగ్మా పేరుతో తీసుకొచ్చిన ఈ ఫోన్‌లో 40 ఇంచెస్‌ టీవీని అందించారు. తక్కువ బడ్జెట్‌లో అందుబాటులోకి వచ్చిన ఈ టీవీ తొలి సేల్‌ ఈ నెల 4వ తేదీ నుంచి ఫ్లిప్‌కార్ట్‌లో ప్రారంభం కానుంది..
జర్మనీకి చెందిన బ్లౌపంక్ట్ కంపెనీ భారత మార్కెట్లోకి 40 ఇంచెస్‌ స్మార్ట్‌ టీవీని లాంచ్‌ చేసింది. ఈ నెల 4వ తేదీ నుంచి ఫ్లిప్ట్‌కార్టులో అందుబాటులోకి రానుంది. రూ. 13,499కే అందుబాటులోకి రానున్న ఈ స్మార్ట్‌ టీవీలో ఎలాంటి ఫీచర్లు ఉన్నాయో ఓ లుక్కేయండి.
ఈ స్మార్ట్‌ టీవీని బెజిల్‍లెస్ డిజైన్‌తో రూపొందించారు. 40 వాట్ల సౌండ్ ఔట్‍పుట్ ఇచ్చే స్పీకర్లు ఈ టీవీ సొంతం. అమ్లాజిక్ క్వాడ్ కోర్ ప్రాసెసర్‌తో పనిచేస్తుంది.
నెట్‌ఫ్లిక్స్‌ మినహాయించి మిగతా ప్రముఖ ఓటీటీ యాప్‌లకు ఈ టీవీ సపోర్ట్ చేస్తుంది. వాయిస్ కంట్రోల్ బటన్ ఉండే రిమోట్‍.. ఈ టీవీతో పాటు వస్తుంది.
సౌండ్ విషయానికొస్తే ఇందులో 40 వాట్ల సౌండ్ ఔట్‍పుట్ ఇచ్చే స్పీకర్లను అందించారు. ఈ స్మార్ట్‌ టీవీలో 512 MB ర్యామ్, 4 GB ఇంటర్నల్ స్టోరేజ్ ఇచ్చారు.
ఇక ఈ టీవీ డాల్బీ డిజిటల్ ప్లస్, డీటీఎస్ ట్రూసరౌండ్ సౌండ్‍కు సపోర్ట్ చేస్తుంది. బ్లూటూత్, వైఫై కనెక్టివిటీ ఫీచర్లు ఉంటాయి. మూడు హెచ్‍డీఎంఐ పోర్టులు, రెండు యూఎస్‍బీ పోర్టులను అందించారు.