టెక్ ప్రియులు ఎప్పుడెప్పుడా అని ఎదురు చూస్తున్న రోజు రానే వచ్చేసింది. ఎన్నో అద్భుత ప్రొడక్ట్స్కి రూపకల్పన చేసి ప్రపంచ టెక్ మార్కెట్ను ఏలుతోన్న యాపిల్ కొత్త ప్రొడెక్ట్ని పరిచయం చేసింది.
యాపిల్ గాగిల్స్ పేరుతో తీసుకొచ్చిన ఈ అత్యాధునిక హెడ్సెట్తో వర్చువల్ ప్రపంచాన్ని కళ్లకు కట్టినట్లు చూపించనుంది. ఈ హెడ్సెట్తో 100 ఇంచ్ల స్క్రీన్కు సమానమైన డిస్ప్లేను వీక్షించొచ్చు.
యూజర్లు చేతులు, కళ్లతోనే యాప్స్ను కంట్రోల్ చేసుకోవచ్చు. స్క్రీన్ సైజ్ను పెద్దగా చేసుకోవచ్చు. ఉద్యోగులు వర్చువల్గా మీటింగ్స్ ఏర్పాటు చేసుకోవచ్చు.
ఈ గాగిల్స్లో 12 కెమెరాలు, ఆరు మైక్రోఫోన్లతో పాటు సెన్సార్లను అందించారు. ఈ హెడ్సెట్ను ధరించినా యూజర్లు బయటి వ్యక్తులను చూడడానికి వీలుగా డిజైన్ చేశారు.
విజన్ ప్రోగా పేర్కొంటున్న ఈ యాపిల్ గాగిల్స్.. పర్సనల్ టెక్నాలజీలో కొత్త ఒరవడిని సృష్టిస్తుందని కుక్ అభిప్రాయపడ్డారు. దీని ధర 3,500 డాలర్లుగా ఉండనుంది. మన కరెన్సీలో చెప్పాలంటే రూ. 2. 89 లక్షల వరకు ఉండొచ్చని అచంనా. వచ్చే ఏడాది ఆరంభంలో ఈ ప్రొడక్స్ మార్కెట్లోకి రానుంది.