Apple ultra watch:ఈ స్మార్ట్ వాచ్‌ ధర అక్షరాల రూ. 90 వేలు.. అంతలా ఇందులో ఏముందనేగా..
Apple ultra watch: ప్రపంచవ్యాప్తంగా యాపిల్ బ్రాండ్‌కు ఉన్న క్రేజ్‌ ఎలాంటిదో ప్రత్యేకంగా చెప్పాల్సిన పనిలేదు. తాజాగా ఈ బ్రాండ్‌ నుంచి కొత్త స్మార్ట్ వాచ్‌ వచ్చేసింది. యాపిల్ అల్ట్రా పేరుతో తీసుకొచ్చిన ఈ స్మార్ట్ వాచ్‌ ధర ఎంతో తెలిస్తే షాక్‌ అవ్వాల్సిందే.. e
ప్రస్తుతం స్మార్ట్ వాచ్‌ల హవా నడుస్తోంది. మార్కెట్లోకి రూ. 1500ల్లో కూడా స్మార్ట్ వాచ్‌లు అందుబాటులోకి వచ్చేశాయి. అయితే యాపిల్ లాంచ్‌ చేసిన అల్ట్రా ధర ఏకంగా రూ. 89,900గా ఉంది. ఇంతకీ ఈ వాచ్‌లో అంతలా ఏముందంటే.
యాపిల్ అల్ట్రా పేరుతో లాంచ్‌ చేసిన ఈ స్మార్ట్ వాచ్‌ను 49 ఎంఎం డయల్‌తో రూపొందించారు. ఈ వాచ్‌ను టైటానియంతో రూపొందించడం విశేషం.
బ్యాటరీకి అధిక ప్రాధానత్య ఇచ్చిన ఈ స్మార్ట్ వాచ్‌ను నిర్వీరామంగా 36 గంటలు ఉపయోగించుకోవచ్చు. తక్కువ పవర్‌ మోడ్‌తో అయితే ఏకంగా 60 గంటలు యూజ్‌ చేసుకోవచ్చు.
మైనస్ 200 డిగ్రీలతో పాటు 55 డిగ్రీల సెల్సియస్‌ వద్ద కూడా ఈ వాచ్‌ పనిచేస్తుంది. అంతేకాకుండా తక్కువ సెల్యులార్ కనెక్టివిటీ ఉన్న ప్రాంతాల్లో పనిచేసేలా డ్యూయల్ జీపీఎస్‌ దీని ప్రత్యేకత.
డబ్ల్యూఆర్‌ 100 రేటింగ్‌ను కలిగి ఉన్న ఈ వాచ్‌ను నీటిలో 100అడుగుల లోతులో ఉపయోగించిన ఎలాంటి ఇబ్బంది ఉండదు. అంతేకాకుండా క్రాష్‌ డటెక్షన్‌, కంపాస్‌, డెప్త్‌ గేజ్‌, నైట్‌ మోడ్‌ ఫీచర్లు ఉన్నాయి.