ఫోన్లో ఉండాల్సిన 5 ముఖ్యమైన యాప్లు..! మీ ఫోన్లో ఉన్నాయా చూస్కోండి!
స్మార్ట్ఫోన్ యాప్లు ప్రస్తుత సాంకేతిక యుగంలో అత్యవసర పరిస్థితుల్లో (ప్రమాదాలు, ఆరోగ్య సమస్యలు, భద్రతా ఆందోళనలు) తక్షణ సహాయానికి కీలకం. 112, ఆరోగ్య సేతు, గూగుల్ మ్యాప్స్, బీసేఫ్, రెడ్ ప్యానిక్ బటన్ వంటి నిపుణులు సూచించిన 5 ముఖ్యమైన యాప్లు ఎలా ఉపయోగపడతాయో తెలుసుకుందాం.
సాంకేతికత విస్తరించిన ఈ రోజుల్లో అత్యవసర పరిస్థితుల్లో వెంటనే స్పందించేందుకు స్మార్ట్ఫోన్ యాప్లు కీలక పాత్ర పోషిస్తున్నాయి. ప్రమాదాలు, ఆరోగ్య సమస్యలు లేదా భద్రతా ఆందోళనల సమయంలో సహాయం అందించడంలో ఈ యాప్లు ఉపయోగపడుతున్నాయి. నిపుణులు సూచిస్తున్న ఐదు ముఖ్యమైన యాప్లు ఏంటో ఇప్పుడు తెలుసుకునే ప్రయత్నం చేద్దాం..
112 India.. భారత ప్రభుత్వ అత్యవసర సేవల యాప్. ఒకే ట్యాప్తో పోలీస్, అంబులెన్స్, అగ్నిమాపక సేవలకు అలర్ట్ పంపించవచ్చు. లొకేషన్ను కూడా ఆటోమేటిక్గా షేర్ చేస్తుంది.
Aarogya Setu.. ఆరోగ్య సంబంధిత అప్డేట్లు, సమీప వైద్య సేవల సమాచారం అందిస్తుంది. అత్యవసర ఆరోగ్య పరిస్థితుల్లో ఉపయోగకరం.
bSafe.. వ్యక్తిగత భద్రత కోసం రూపొందించిన ఈ యాప్ SOS అలర్ట్, లైవ్ లొకేషన్ షేరింగ్ వంటి ఫీచర్లు అందిస్తుంది. అత్యవసర సమయంలో కుటుంబ సభ్యులకు సమాచారం పంపుతుంది.
Google Maps.. లొకేషన్ ట్రాకింగ్, సమీప ఆసుపత్రులు, పోలీస్ స్టేషన్లు కనుగొనడంలో సహాయపడుతుంది. రియల్టైమ్ నావిగేషన్ కూడా అందిస్తుంది.
Red Panic Button.. ఒక బటన్ నొక్కగానే మీ లొకేషన్తో పాటు అత్యవసర సందేశాన్ని ముందుగా ఎంపిక చేసిన కాంటాక్ట్లకు పంపిస్తుంది.