Star Fruit: ఈ ఒక్క పండును రోజూ తింటే ఎన్ని లాభాలో తెలుసా..? పదుల సంఖ్యలో రోగాలు పరార్..!
పండ్లలో రారాజు మామిడిగా పిలుస్తారు.. అలాగే, అన్ని పండ్లలోకెల్లా ప్రత్యేకమైన ఆకారంతో ఉండేది స్టార్ ఫ్రూట్.. నక్షత్ర ఆకారంలో కనిపించే ఈ పండు జ్యూసీ జ్యుసీగా ఉంటుంది. బాగా పండిన తరువాత పసుపురంగులోకి మారి తియ్యగా ఉంటుంది. కచ్చిగా ఉన్నప్పుడు కాస్త పుల్లగా ఉంటాయి. స్టార్ ఫ్రూట్లో విటమిన్ సి, బి2, బి6, బి9 విటమిన్లు, ఫైబర్, పొటాషియం, జింక్, ఐరన్, కాల్షియం, సోడియం, ఫోలేట్, కాపర్, మెగ్నీషియం వంటి పోషకాలు పుష్కలంగా ఉంటాయి. ఈ పోషకాల మన ఆరోగ్యానికి ఎంతో మేలు చేస్తాయని నిపుణులు చెబుతున్నారు. ఈ పండు తినడం వల్ల కలిగే లాభాలేంటో ఇక్కడ తెలుసుకుందాం..
స్టార్ ఫ్రూట్లో విటమిన్ సితో పాటు, యాంటీఆక్సిడెంట్ కంటెంట్ పుష్కలంగా ఉంటుంది. ఈ కాంబినేషన్ రోగనిరోధక శక్తిని రెట్టింపు చేస్తుంది. ఈ పండులో మెగ్నీషియం, ఐరన్, జింక్, మాంగనీస్, పొటాషియం, ఫాస్పరస్ పుష్కలంగా ఉంటాయి. ఇవి ఆనారోగ్యాలు రాకుండా రక్షిస్తాయి.
స్టార్ ఫ్రూట్ తరచూ తినటం వల్ల గుండె జబ్బులు రాకుండా ఉంటాయి. ఈ పండులో కాల్షియం కూడా ఉంటుంది. స్టార్ ఫ్రూట్లో రక్తపోటును నియంత్రించే.. సోడియం, పోటాషియం సమృద్ధిగా ఉంటాయి. ఈ రెండు మినరల్స్ బీపీని కంట్రోల్ ఉంచుతాయి.
ఈ పండులో పుష్కలంగా కరిగే ఫైబర్ ఉంటుంది. ఇది చెడు కొలెస్ట్రాల్ చర్యను నిరోధిస్తాయి. ఇది ఆరోగ్యకరమైన కొలెస్ట్రాల్ స్థాయిలను నిర్వహించడానికి అనుకూలంగా ఉంటుంది. అధిక కొలెస్ట్రాల్తో బాధపడేవారు తరచుగా స్టార్ఫ్రూట్ తింటే మేలు జరుగుతుందని నిపుణులు చెబుతున్నారు.
వెయిట్ లాస్ జర్నీలో ఉన్నవారు ఈ పండు తింటే మంచిది. ఫైబర్ పుష్కలంగా ఉంటుంది. బరువు తగ్గాలనుకునేవారు వారికి మంచిదని నిపుణులు సూచిస్తున్నారు. దీనిలోని ఫైబర్ ఎక్కువ సేపు నిండుగా ఉంచుతుంది. జీవక్రియను వేగవంతం చేస్తుంది. ఇది ఎక్కువ కేలరీలను బర్న్ చేస్తుంది. ఫలితంగా బరువు కంట్రోల్లో ఉంటుంది.
ఈ పండులో డైటరీ ఫైబర్ పుష్కలంగా ఉంటుంది. ఇది జీర్ణక్రియను మెరుగుపరుస్తుంది. మలబద్ధకాన్ని నివారిస్తుంది. స్టార్ ఫ్రూట్లో విటమిన్ బి మెండుగా ఉంటుంది. ఇది పనితీరు, అభివృద్ధికి కీలకమైన పోషకం. ఇది జీవక్రియను నియంత్రిస్తుంది. హార్మోన్, ఎంజైమ్ స్థాయిలను సాధారణ పరిధిలో ఉండేలా చూసుకుంటుంది. ఈ పండుతో కిడ్నీలు ఆరోగ్యంగా ఉంటాయి.