Weight Loss Tips: టీ తాగడం వల్ల కూడా సులువుగా బరువు తగ్గొచ్చు.. ఎలాగంటే?
ఆఫీసు నుంచి వచ్చిన తర్వాత వేడి వేడి టీ ఓ కప్పు తాగితే ఆ మజానే వేరు. కప్పు టీతో రోజంతా అలసట, ఒత్తిడి చిటికెలో మాయం అవుతుంది. టీ తాగడం వల్ల గుండె జబ్బులు వచ్చే ప్రమాదం తగ్గుతుందని ఇప్పటికే పలు అధ్యయనాల్లో వెల్లడైంది. టీ ద్వారా బరువు కూడా తగ్గొచ్చు. టీలో కెఫిన్‌, పాలీఫెనాల్స్ ఉంటాయి. ఈ రెండు పదార్థాలు రక్తంలో ట్రైగ్లిజరైడ్ స్థాయిలను నియంత్రించి, జీవక్రియ రేటును మెరుగుపరుస్తాయి. దీంతో బరువు తగ్గడం సులభం అవుతుంది..
ఆఫీసు నుంచి వచ్చిన తర్వాత వేడి వేడి టీ ఓ కప్పు తాగితే ఆ మజానే వేరు. కప్పు టీతో రోజంతా అలసట, ఒత్తిడి చిటికెలో మాయం అవుతుంది. టీ తాగడం వల్ల గుండె జబ్బులు వచ్చే ప్రమాదం తగ్గుతుందని ఇప్పటికే పలు అధ్యయనాల్లో వెల్లడైంది. టీ ద్వారా బరువు కూడా తగ్గొచ్చు. టీలో కెఫిన్‌, పాలీఫెనాల్స్ ఉంటాయి. ఈ రెండు పదార్థాలు రక్తంలో ట్రైగ్లిజరైడ్ స్థాయిలను నియంత్రించి, జీవక్రియ రేటును మెరుగుపరుస్తాయి. దీంతో బరువు తగ్గడం సులభం అవుతుంది.
కాలేయం నుంచి విషపదార్ధాలు తొలగించి, కొవ్వును కరిగించి, మొటిమలను తగ్గించడంలో సహాయపడే అనేక కారకాలు టీలో ఉన్నాయి. టీ వల్ల అనేక ఇతర ప్రయోజనాలు కూడా ఉన్నాయి. అవేంటో ఇక్కడ తెలుసుకుందాం..
బరువు తగ్గించే ప్రక్రియలో గ్రీన్ టీ ఎల్లప్పుడూ ప్రభావవంతంగా పనిచేస్తుంది. గ్రీన్ టీ బరువు తగ్గడంలో సహాయపడుతుందని దాదాపు 11 అధ్యయనాలు చెబుతున్నాయి. ముఖ్యంగా టైప్-2 డయాబెటిస్‌తో బాధపడేవారు గ్రీన్ టీ తీసుకోవడం ద్వారా బరువు సులభంగా తగ్గుతారు. ఒత్తిడి వల్ల సరిగ్గా నిద్రపోరు. ఇది క్రమంగా బరువు పెరగడానికి దారితీస్తుంది. ప్రతి రాత్రి నిద్రపోయే ముందు చమోమిలే టీని తాగారంటే హాయిగా నిద్రపడుతుంది. అలాగే బరువు తగ్గడంలోనూ సహాయపడుతుంది.
శరీరంలో మెటబాలిజం మెరుగుపడటం వల్ల బరువు తగ్గడం కూడా తేలికవుతుంది. కాబట్టి వేడి నీటిలో అల్లం వేసి మరిగించి అందులో నిమ్మరసం కలుపుకుని తాగాలి. అల్లం - నిమ్మరసం టీలో విటమిన్లు, యాంటీఆక్సిడెంట్లు ఉంటాయి. ఇవి ఆకలిని తగ్గించి, కొవ్వు కరిగించడంలో సహాయపడతాయి.
పాలు, పంచదార లేకుండా డికాషన్‌ టీ తాగినా బరువు తగ్గుతారు. బ్లాక్ టీలో యాంటీఆక్సిడెంట్లు, ఫ్లేవనాయిడ్స్ ఉంటాయి. ఇవి కొవ్వును కరిగించడంలో సహాయపడతాయి. అలాగే శరీరంలో ఆక్సీకరణ ఒత్తిడిని తగ్గిస్తుంది. జీవక్రియను కూడా మెరుగుపరుస్తుంది.