పెళ్లి ఇంట్లో రామజపం.. రామమందిర ప్రతిష్టాపన రోజున పెళ్లి చేసుకున్న జంట.. జై శ్రీరామ్‌ అంటూ..
భారతదేశపు కోట్లాది మంది రామభక్తుల కల సాకారమైంది. అయోధ్యలో నిలువెత్తు రామమందిరపు రామ్ లల్లా విగ్రహాన్ని ప్రతిష్ఠించారు. ప్రపంచం మొత్తం ఈ చారిత్రాత్మక ఘట్టాన్ని చూసి పులకించిపోయింది. అదేవిధంగా దేశవ్యాప్తంగా రామోత్సవ వేడుకలు జరిగాయి. అలాగే, కర్ణాటకలోనూ గల్లీ గల్లీలో రామమందిర ప్రాణ ప్రతిష్టాపన ఉత్సవాలు నిర్వహించారు. కర్ణాటక దహంగరేలో జరిగిన ఓ పెళ్లి ఇంట్లో రామ నామస్మరణ మార్మోగింది.
రామమందిర ప్రారంభోత్సవంలో పెళ్లి చేసుకున్న నవ దంపతులు ఎంతో సంతోషం వ్యక్తం చేశారు. దావణగెరె నగరంలోని బాపూజీ కళ్యాణ మండపంలో జరిగిన కళ్యాణోత్సవం, రామమందిర ప్రారంభోత్సవంతో మరింత కలకలలాడింది.
శ్రీరామ మందిరం ప్రారంభోత్సవం రోజునే పెళ్లి చేసుకున్నందుకు దావణగెరెకు చెందిన రోహిత్, అర్పిత ఆనందం వ్యక్తం చేశారు. అయోధ్యలో రాముడి విగ్రహ ప్రతిష్ఠాపన సందర్భంగా కళ్యాణ మండపంలో కూడా రాముడి ఫొటో పెట్టి పూజలు చేశారు.
నూతన దంపతులు రాముడి ఫోటోను పెట్టుకుని భక్తితో పూజించారు. అతిథులతో కలిసి జై శ్రీరామ అంటూ నినాదాలు చేస్తూ సంబరాలు చేసుకున్నారు. రామమందిర ప్రాణప్రతిష్ట రోజునే పెళ్లి ముహూర్తం పెట్టుకోవడం పట్ల కొత్త జంట ఆనందం వ్యక్తం చేసింది.
పెళ్లి వేదికపై ఏర్పాటు చేసిన రాముడు ఫోటో ముందు నిలబడి ..పెళ్లికి వచ్చిన అతిథులతో కలిసి ఫొటోలు దిగారు. అలాగే, రామమందిరం ప్రారంభం రోజున గర్భిణులు ప్రసవం కోసం వైద్యుల వద్దకు క్యూ కట్టారు.
మొత్తానికి అటు దేశవ్యాప్తంగా, రాష్ట్రంలోని దేవాలయాలు, ఇళ్లలో శ్రీరామ నామస్మరణ జరిగితే ఇక్కడ కళ్యాణమండపంలో కూడా శ్రీరామ నామస్మరణ జరగడం విశేషం.