Viral Photos: సముద్ర తీరంలో వింత ఆకృతులు.. రాత్రికి రాత్రే ఇలా.. విస్తుపోతున్న జనాలు..
ఇదిగో ఇక్కడ ఏం జరిగిందో ఏమో తెలియదు గానీ, రాత్రికి రాత్రి ఓ సరస్సులోని ఇసుక చిత్రవిచిత్ర ఆకారాల్లోకి మారిపోయింది...
ఇదిగో ఇక్కడ ఏం జరిగిందో ఏమో తెలియదు గానీ, రాత్రికి రాత్రి ఓ సరస్సులోని ఇసుక చిత్రవిచిత్ర ఆకారాల్లోకి మారిపోయింది. ఉదయాన్నే ఆ ప్రాంతానికి వెళ్లినవారు.. బీచ్‌లోని వింత ఆకారాలను చూసి విస్తుపోయారు. అమెరికాలోని మిచిగాన్‌లో చోటుచేసుకున్న ఈ ఘటన ఇప్పుడు సోషల్ మీడియాలో వైరల్‌గా మారింది.
వివరాల్లోకి వెళ్తే.. అమెరికాలోని మిచిగాన్ సరస్సు దగ్గర తడిగా ఉన్న ఇసుక బలమైన గాలులకు కొట్టుకుపోయింది. దాంతో ఆ ప్రాంతమంతా కొన్ని వింత ఆకృతులు ఏర్పడ్డాయి.
అచ్చం మనిషి చేసినట్లే మిచిగాన్ తీరంలో వెరైటీ ఆకారాలు ఏర్పడ్డాయి. చూడచక్కగా ఉన్న వీటి ఫోటోలు ప్రస్తుతం నెట్టింట తెగ చక్కర్లు కొడుతున్నాయి. వీటిని నెటిజన్లు భిన్నమైన కామెంట్లు చేస్తున్నారు.
కొందరు ఫోటోషాప్ గ్రాఫిక్స్‌ అంటే..మరికొందరు..ఇంతకుముందు ఎన్నడూ ఇలాంటివి చూడలేదని ఆశ్చర్యం వ్యక్తం చేస్తున్నారు. మిచిగాన్ లో నివసించే వ్యక్తులు కూడా ఇది నిజం కాదనే సందేహాలు వ్యక్తం చేస్తూ పోస్టులు పెడుతున్నారు.