Milk Adulteration: మీరు వాడే పాలు స్వచ్ఛమైనవేనా? ఇప్పుడే చెక్ చేసుకోండిలా..
పాలు ఆరోగ్యానికి చాలా మంచిది. ఇందులో కాల్షియంతోపాటు ఎన్నో రకాల పోషకాలు పుష్కలంగా ఉంటాయి. అయితే కొందరు వ్యాపారులు మాత్రం అధిక లాభాలకు కక్కుర్తిపడి పాలను విషతుల్యం చేస్తున్నారు. వాటిల్లో రకరకాల రసాయనాలను కలిపి ప్యాకెట్స్ రూపంలో అమాయక ప్రజలకు విక్రయించి సొమ్ము చేసుకుంటున్నారు. అయితే మీరు వినియోగించే పాలు అసలైనవో కాదో.. తెలుసుకోవడానికి ఈ కింది సింపుల్ టిప్స్ ఫాలో అయితే సరి..
టీ, కాఫీ వంటి పానియాలు పాలు లేకుండా తయారు చేయడం సాధ్యం కాదు. వీటిని తయారు చేయడానికి పాలు తప్పనిసరి. అయితే ఈ మధ్య కాలంలో మార్కెట్లో కల్తీ పాలు విచ్చలవిడిగా విక్రయిస్తున్నారు. ఈ కల్తీ పాల వినియోగం ప్రజల ఆరోగ్యంపై తీవ్ర ప్రభావం చూపుతోంది. అయితే మీరు మార్కెట్లో కొనుగోలు చేసిన పాలు కల్తీయా? కదా? అనే విషయ ఇంట్లోనే సులభంగా గుర్తించవచ్చు.
స్వచ్ఛమైన పాల రంగు తెల్లగా ఉంటుంది. స్వచ్ఛమైన పాలను వేడిచేసినప్పుడు, లేదంటే చల్లని ప్రదేశంలో ఉంచినప్పుడు రంగు మారదు. పాలు పసుపు రంగులోకి మారితే కల్తీ జరిగిందని అర్థం చేసుకోవాలి.
పాల స్వచ్ఛతను పరీక్షించడానికి.. ఐదు నుంచి పది మిల్లీలీటర్ల పాలను తీసుకుని సమ పరిమాణంలో నీళ్లలో కలపాలి. ఈ సమయంలో పాలలో నురగ కనిపిస్తే.. పాలలో వాషింగ్ పౌడర్, డిటర్జెంట్ పౌడర్ కల్తీ అయినట్లు ఖాయం చేసుకోవాలి.
స్వచ్ఛమైన పాలు రుచిలో తియ్యగా ఉంటాయి. ఇంటికి తెచ్చిన పాలను వేడి చేసి తాగిన తర్వాత తీపిగా అనిపిస్తే కల్తీ లేదని అర్థం. కల్తీ పాలు రుచిలో చేదుగా ఉంటాయి. అలాగే పాలలో నీరు కలిసిందో లేదో పరీక్షించడానికి ఒక చుక్క పాలను నేలపై వేయాలి. అది స్వచ్ఛమైన పాలైతే, త్వరగా భూమిలోకి ఇంకిపోదు. పాలలో నీరు కలిపితే వెంటనే ఇంకిపోతుంది.
పాలలో మైదా కలిపి కూడా పాల కల్తీని గుర్తించవచ్చు. ఇందుకోసం ముందుగా ఐదు మిల్లీలీటర్ల పాలు తీసుకోవాలి. అయోడైజ్డ్ ఉప్పు రెండు టీస్పూన్లు అందులో వేయాలి. పాలు నీలం రంగులోకి మారితే ఆ పాలు కల్తీ అని అర్థం చేసుకోవాలి.