నోరూరించే ఉసిరికాయ కూర.. ఓసారి ఇలా ట్రై చేయండి.. టేస్ట్ అదుర్స్
ఉసిరికాయతో పచ్చడి ఎక్కువగా చేస్తారు. ఆ తర్వాత వీటితో పప్పు చేస్తారు. కానీ, చాలా మందికి తెలియని విషయం ఏంటంటే ఉసిరికాయ కూర కూడా వండుతారు. ఇది వినడానికి కొత్తగా ఉన్నా వండి తింటే రుచికరంగా ఉంటుంది. మరి, దీనిని ఎలా తయారు చేయాలో ఇక్కడ తెలుసుకుందాం..
కావాల్సిన పదార్ధాలు : 20 ఉసిరికాయలు, ఒక చిన్న ఉల్లిపాయ, 4 పచ్చిమిర్చి , అర టీ స్పూన్ అల్లం వెల్లుల్లి పేస్ట్, ఒక టేబుల్ స్పూన్ కారం, అర టీ స్పూన్ పసుపు, నువ్వుల పొడి, తాలింపు గింజలు తీసుకోవాలి.
ముందుగా 20 ఉసిరికాయలను కడిగి శుభ్రం చేసుకుని దానిలో కొద్దిగా నీరు పోసి 10 నిమిషాలు బాగా ఉడికించి పక్కన పెట్టుకోవాలి
ఇక ఇప్పుడు స్టవ్ ఆన్ చేసి పాన్ పెట్టి దానిలో ఆయిల్ వేసి అది వేడయ్యాక ఎండుమిర్చి, కరివేపాకు, ఆవాల పొడి, జీలకర్ర, వెల్లుల్లి వేసి రంగు మారే వరకు బాగా వేయించాలి.
ఆ తర్వాత కట్ చేసిన ఉల్లిపాయలు, పచ్చిమిర్చి ముక్కలు , ఒక టేబుల్ స్పూన్ అల్లం వెల్లుల్లి పేస్ట్ వేసి దోరగా వేయించుకోవాలి.
ఆ మిశ్రమంలో ఉడికించిన ఉసిరికాయలు, అర టీ స్పూన్ పసుపు, ఉప్పు, కారం వేసి కలుపుకోవాలి. మూత పెట్టి మీడియం మంటపై పది నిమిషాలు పాటు స్టవ్ మీదే పెట్టండి. చివర్లో కొత్తిమీర చల్లుకుని దించుకోవాలి. అంతే వేడి వేడి ఉసిరికాయ కూర రెడీ