రోజూ ఉసిరి రసం తీసుకోవటం అలవాటు చేసుకోండి.. మీ బాడీలో జరిగే మార్పులు ఊహించలేరు!
శరీరంలో కొలెస్ట్రాల్ ఎక్కువగా ఉంటే చాలా సమస్యలొస్తాయి. అందుకే దానిని తగ్గించుకోవాలి. ఉసిరిని జ్యూస్‌లా చేసి తీసుకోవడం వల్ల కొలెస్ట్రాల్ సమస్య తగ్గుతుందని నిపుణులు చెబుతున్నారు. అయితే, ఉసిరి రసం ఎలా తయారు చేసుకోవాలి.? దీంతో కలిగే మరిన్ని లాభాల గురించి ఇక్కడ తెలుసుకుందాం..
విటమిన్ సి, యాంటీ ఆక్సిడెంట్లు అధికంగా ఉన్న ఉసిరి రోగనిరోధక శక్తిని పెంచుతుంది. ఉసిరి యాంటీ ఇన్ఫ్లమేటరీ గుణం శరీరంలో వాపును తగ్గిస్తుంది. కీళ్ల నొప్పులను దూరం చేస్తుంది. ఇది గ్యాస్ట్రిక్ రసాలను ప్రేరేపిస్తుంది. పోషకాల శోషణను మెరుగుపరుస్తుంది, జీర్ణ సమస్యలను నివారిస్తుంది.
విటమిన్లు, ఖనిజాలతో సమృద్ధిగా ఉండే ఉసిరి జీవక్రియను మెరుగుపరుస్తుంది. బరువు నిర్వహణకు తోడ్పడుతుంది. ఇది రక్తంలో చక్కెర స్థాయిలను సమతుల్యం చేయడంలో సహాయపడుతుంది. ఇది మధుమేహ నిర్వహణకు ప్రయోజనకరంగా ఉంటుంది.
ఉసిరి ఒక నిర్విషీకరణ ఏజెంట్‌గా పనిచేస్తుంది. మెరుగైన ఆరోగ్యానికి టాక్సిన్స్‌ను బయటకు పంపుతుంది. ఇది కొల్లాజెన్ ఉత్పత్తిని ప్రోత్సహిస్తుంది. UV నష్టం నుండి రక్షిస్తుంది. చర్మ ఆరోగ్యాన్ని మెరుగుపరుస్తుంది. ఉసిరిలోని పోషక గుణాలు వెంట్రుకల కుదుళ్లను బలోపేతం చేస్తాయి. జుట్టు రాలడాన్ని తగ్గిస్తాయి.
గుండె ఆరోగ్యానికి ఇది చేసే మేలు అంతా ఇంతా కాదు. కొలెస్ట్రాల్ స్థాయిని తగ్గించడం ద్వారా గుండెను కాపాడుతుంది. అధిక రక్తపోటు రాకుండా అడ్డుకుంటుంది. రక్తప్రసరణ మెరుగుపరుస్తుంది. దీనిలో యాంటీ ఆక్సిడెంట్, యాంటీ ఇన్ఫ్లమేషన్ గుణాలు ఎక్కువ. ఇది గుండె పోటు, స్ట్రోక్ వంటివి రాకుండా ఇది నిరోధిస్తుంది.
ఉసిరి రసం తయారీ కోసం.. ఉసిరి కాయలను గింజలు లేకుండా ముక్కలుగా కట్ చేయాలి. దీనికి నీటిని కలిపి జ్యూస్‌లాగా చేయాలి. తర్వాత అవసరమనుకుంటే వడకట్టండి. లేదంటే అలానే తీసుకోవచ్చు. దీనిలో కొద్దిగా తేనె, అల్లం, మిరియాల పొడి లేదా ఉప్పు వేసి తాగండి. ఇలా రెగ్యులర్‌గా తాగితే రిజల్ట్ ఉంటుంది.
Amla