చలికాలంలో ఈ ఆకుకూర తింటే చెప్పలేనన్నీ లాభాలు.. బరువు తగ్గడమే కాదు, కంటికి కూడా మంచిది..!
శీతాకాలంలో మార్కెట్లో వివిధ రకాల కూరగాయలు, ఆకుకూరలు పుష్కలంగా లభిస్తాయి. ఆకు కూరల్లో అనేక రకాలు ఉన్నాయి. ఇవన్నీ మన రోగ్యానికి మేలు చేసేవే. అయితే, ఈ కోవకు చెందినదే బతువా..చాలా మందికి దీని గురించి పెద్దగా తెలియదు. నార్త్‌ ఇండియాలో ఎక్కువగా తింటుంటారు. చలికాలంలో బతువా ఆకుకూరను తరచూ తింటూ ఉంటే అనేక ఆరోగ్య ప్రయోజనాలు పొందవచ్చునని పోషకాహార నిపుణులు చెబుతున్నారు. బతువాలోని పోషకాలు, ప్రయోజనాలేంటో ఇక్కడ తెలుసుకుందాం...
చలికాలంలో లభించే బతువా ఆకులు అనేక ఆరోగ్య ప్రయోజనాలను అందిస్తాయి. బతువా ఆకుల్లో ఐరన్, ఫాస్పరస్ వంటి మూలకాలతో పాటు విటమిన్ ఎ, బి, సి పుష్కలంగా ఉంటాయి. బతువా ఆకులతో వివిధ రకాల వంటకాలు చేసుకోవచ్చు. బతువా ఆకుల్లో అమైనో యాసిడ్స్‌ పుష్కలంగా ఉంటాయి. ఇవి కణాలను ఆరోగ్యంగా మార్చుతాయి. బతువా ఆకులను తీసుకుంటే కణాల డ్యామేజీ తగ్గుతుంది.
బతువాలో ఇందులో విటమిన్లు, కాల్షియం, ఐరన్, మెగ్నీషియం, ఫాస్పరస్, పొటాషియం, సోడియం, జింక్ వంటి పోషకాలు పుష్కలంగా ఉంటాయి. దీనిలో నీటి మోతాదు కూడా అధికంగా ఉంటుంది. ఇందులో ఫైబర్‌ కూడా పుష్కలంగా లభిస్తుంది. బతువా ఆకులు తీసుకుంటే జీర్ణ సమస్యలు రావు. ముఖ్యంగా మలబద్దకం నుంచి ఉపశమనం లభిస్తుంది.
బతువా ఆకుకూరలో విటమిన్ A, B, C, ఐరన్, పొటాషియం, కాల్షియం, ఫాస్పరస్ వంటి పోషకాలు అధికంగా ఉంటాయి. బతువా ఆకుల్లో కేలరీలు తక్కువగా ఉంటాయి. 100 గ్రాముల బతువా ఆకుల్లో 43 కేలరీల శక్తి మాత్రమే లభిస్తుంది. బరువు తగ్గాలనుకునే వారికి బతువా ఆకులు సరైన ఎంపిక.
బతువా ఆకులు శరీరంలోని టాక్సిన్లను సులభంగా బయిటకు పంపిస్తాయి. బతువా ఆకులను తీసుకుంటే రక్తంలోని మలినాలు సులభంగా బయిటకు పోతాయి. బతువా ఆకుల్లో జింక్, ఐరన్ కంటెంట్ ఎక్కువగా ఉంటుంది. ఇవి కంటి ఆరోగ్యాన్ని కాపాడతాయి. బతువా ఆకులను తీసుకుంటే కంటి చూపు మెరుగుపడుతుంది.
బతువా ఆకులను తీసుకుంటే దంత ఆరోగ్యం మెరుగుపడుతుంది. బతువా ఆకులను నమిలితే నోటి దుర్వాసన సమస్య నుంచి ఉపశమనం లభిస్తుంది. బతువా ఆకులను రెగ్యులర్‌గా తీసుకుంటే జుట్టు ఒత్తుగా పెరుగుతుంది. బతువా ఆకుల్లో ఉండే విటమిన్లు, ప్రోటీన్‌ కంటెంట్ జుట్టును మూలాల నుంచి దృఢంగా మార్చుతుంది. ఈ ఆకులను తింటే జుట్టు మెరుస్తుంది.