Cinnamon Water: ఇలా తయారు చేసుకున్న నీరు..రోజూ పరగడుపునే ఒక్క గ్లాస్ తాగితే చాలు.. లాభాలు బోలెడు..!
ప్రతిరోజూ ఉదయం ఖాళీ కడుపుతో రెండు,మూడు గ్లాసుల గోరువెచ్చని నీటిని త్రాగడం శరీరానికి అనేక విధాలుగా మేలు చేస్తుందని ఆరోగ్య నిపుణులు చెబుతుంటారు. ఈ అలవాటు మీ జీర్ణవ్యవస్థను ఉత్తేజింపజేస్తుంది. మలబద్ధకాన్ని నివారిస్తుంది. లేదంటే, ఉదయాన్నే గోరువెచ్చటి నీటిలో కొద్దిగా నిమ్మరసం, తేనెను కలిపి తాగితే కూడా శరీరానికి మరిన్ని ఆరోగ్య ప్రయోజనాలు అందుతాయని కూడా మనందరికీ తెలిసిందే. అయితే, ఈ నీటిలో చెంచాడు.. దాల్చిన చెక్క పొడిని కలిపి తాగితే ఏమౌతుందో తెలుసా..?
అవును, ఉదయాన్నే ఖాళీ కడుపుతో గోరువెచ్చని నీటిలో నిమ్మరసం, లేదా నిమ్మతొక్కల పొడితో పాటుగా దాల్చిన చెక్క పొడిని కలిపి తీసుకోవటం వల్ల మెరుగైన ఆరోగ్య ప్రయోజనాలు లభిస్తాయి. డయాబెటిస్ నియంత్రణ నుంచి బరువు తగ్గడం వరకు దాల్చిన చెక్క నీరు అద్భుత ప్రయోజనాలను ఇస్తుంది.
ప్రతి రోజూ ఉదయాన్నే దాల్చిన చెక్క నీరు త్రాగడం వలన టైప్ 2 డయాబెటిస్ నియంత్రణలోకి వస్తుంది. ఇది రక్తంలో గ్లూకోజ్ స్థాయిని తగ్గించడంలో సహాయపడుతుంది. చెడు కొలెస్ట్రాల్ స్థాయిని తగ్గిస్తుంది. రక్తపోటును నియంత్రణలో ఉండేలా చేస్తుంది. ఫలితంగా గుండె ఆరోగ్యం మెరుగవుతుంది.
దాల్చిన చెక్కలో యాంటీ బాక్టీరియల్ లక్షణాలు సమృద్ధిగా ఉంటాయి. దీంతో శరీరంలో బాక్టీరియా, వైరస్ లను నివారిస్తుంది. శరీరంలో ఒత్తిడి, మంటను నివారిస్తుంది. యాంటీఆక్సిడెంట్లు కణాలను దెబ్బతినకుండా రక్షించడంలో దాల్చిన చెక్క నీరు ముఖ్యమైన పాత్ర పోషిస్తుంది.
అంతేకాదు.. దాల్చిన చెక్కలోని కొన్ని గుణాలు క్యాన్సర్ కణాల వృద్ధిని అడ్డుకునే సామర్థ్యం కలిగి ఉన్నాయి. ముఖ్యంగా కాలేయం, మలద్వార క్యాన్సర్ వంటివి దరి చేరకుండా చేస్తుంది. ప్రతిరోజూ ఉదయం ఖాళీ కడుపుతో గోరువెచ్చని నీటిలో కొద్దిగా నిమ్మరసం, దాల్చిన చెక్క పొడి కలిపి త్రాగడం వలన శరీరానికి పూర్తిస్థాయిలో ఆరోగ్య ప్రయోజనాలు లభిస్తాయి.
దాల్చిన చెక్కనీటిని తీసుకోవటం వల్ల ఉబ్బరం, గ్యాస్ట్రిక్ సమస్యలు వంటి జీర్ణ సమస్యల నుండి ఉపశమనం లభిస్తుంది. ఇది జీర్ణక్రియను ప్రేరేపిస్తుంది. పోషకాల శోషణను పెంచుతుంది. ఆకలిని తగ్గిస్తుంది. శరీరం కేలరీల తీసుకోవడం సులభతరం చేస్తుంది. దాల్చిన చెక్క నీరు వివిధ భాగాల కొవ్వును కరిగించడంలో సహాయపడుతుంది.