సమ్మర్లో శరీరం, ఆరోగ్యాన్ని చల్లగా ఉంచే సూపర్ ఫుడ్.. ముసలోళ్ళు కూడా పాతికేళ్ల పడుచు పిల్లలా కనిపించేస్తారు..
గోంద్ కటిరా దీనిని తెలుగులో బాదం జిగురు అని కూడా అంటారు. జీర్ణకోశ ఆరోగ్యానికి (Gut Health) ఎంతో మేలు చేస్తుంది. ముఖ్యంగా వేసవి కాలంలో ఇది ఒక అద్భుతమైన సహజ సిద్ధమైన ఔషధంగా పనిచేస్తుంది. ఇది సహజ సిద్ధమైన గమ్ (Natural Gum), దీనిని నీటిలో నానబెట్టినప్పుడు జెల్ లాగా మారుతుంది. వేసవి కాలంలో గోందు కటిరా (Gond Katira) తీసుకోవడం వల్ల కలిగే అద్భుతమైన ప్రయోజనాలు ఇక్కడ ఉన్నాయి. అవేంటో వెంటనే చూసేద్దాం..
ప్రీబయోటిక్ గుణాలు: గోండ్ కటిర అనేది గోధుమ బంక వంటిది. ఆస్ట్రాగాలస్ ప్రొపింకస్ అనే నాచు రకం మొక్కల వేర్ల నుంచి సేకరిస్తారు. జిగట పదార్థంగా కనిపించే దీనికి వాసన, రుచి ఏమీ ఉండదు. దీనిని నీటిలో లేదా పాలల్లో వేస్తే కొద్దిగా కరిగి జెల్లీలాగా మారుతుంది. గోందు కటిరాలో ఉండే పాలీశాకరైడ్లు పేగుల్లో ఉండే మంచి బ్యాక్టీరియాకు ఆహారంగా పనిచేస్తాయి. ఆరోగ్యకరమైన బ్యాక్టీరియా పెరగడం వల్ల జీర్ణక్రియ సాఫీగా సాగుతుంది. శరీర రోగనిరోధక శక్తి పెరుగుతుంది. గోందు కటిరాకు అద్భుతమైన శీతలీకరణ గుణాలు ఉన్నాయి. వేసవిలో దీనిని తీసుకోవడం వల్ల శరీర ఉష్ణోగ్రత నియంత్రణలో ఉంటుంది. తద్వారా వడదెబ్బ (Heat Stroke) తగిలే ప్రమాదం తగ్గుతుంది.
మహిళల్లో హార్మోన్ల అసమతుల్యతను సరిచేయడానికి, పురుషులలో శక్తిని పెంచడానికి కూడా దీనిని ఉపయోగిస్తారు. వేసవిలో వచ్చే అలసటను దూరం చేసి శరీరానికి తక్షణ శక్తిని అందించడంలో గోందు కటిరా అద్భుతంగా పనిచేస్తుంది. దీనిని మిల్క్ షేక్స్, లస్సీ లేదా నిమ్మరసంలో కలుపుకుని తీసుకోవడం వల్ల ఆరోగ్యంతో పాటు రుచి కూడా లభిస్తుంది.
రోగనిరోధక శక్తి: శరీరంలోని తెల్ల రక్త కణాల ఉత్పత్తిని పెంచి, ఇన్ఫెక్షన్ల నుండి మనల్ని కాపాడుతుంది. బాక్టీరియా, వైరస్లతో పోరాడే శక్తిని శరీరానికి ఇస్తుంది. కీళ్ల నొప్పులతో బాధపడేవారికి ఇది ఎంతో మేలు చేస్తుంది. పిరియడ్స్ సమయంలో వచ్చే సమస్యలను, హార్మోన్ల అసమతుల్యతను తగ్గించడంలో ఇది సహాయపడుతుంది. ప్రసవం తర్వాత మహిళలకు శక్తిని ఇవ్వడానికి కూడా దీనిని వాడుతారు. ఇందులో ఉండే యాంటీ ఏజింగ్ గుణాలు చర్మంపై ముడతలు, మచ్చలను తగ్గిస్తాయి. వేసవి ఎండల వల్ల వచ్చే చర్మ వ్యాధులను నివారించి చర్మాన్ని కాంతివంతంగా ఉంచుతుంది.
ఎసిడిటీ నుండి ఉపశమనం: దీనికి ఉన్న సహజమైన శీతలీకరణ (Cooling) స్వభావం వల్ల, కడుపులో అధికంగా ఉత్పత్తి అయ్యే యాసిడ్ను ఇది నియంత్రిస్తుంది. దీనివల్ల గుండెల్లో మంట (Heartburn), ఎసిడిటీ సమస్యలు తగ్గుతాయి. ఇందులో ఉండే ఫైబర్ జీర్ణక్రియను వేగవంతం చేస్తుంది. మలబద్ధకం, గ్యాస్, అసిడిటీ వంటి సమస్యలతో బాధపడేవారికి ఇది గొప్ప ఉపశమనం కలిగిస్తుంది. కాల్షియం, మెగ్నీషియం పుష్కలంగా ఉండటం వల్ల ఎముకలు బలంగా తయారవుతాయి.
మలబద్ధక నివారణ: ఇందులో ఫైబర్ కంటెంట్ ఎక్కువగా ఉండటం వల్ల దీర్ఘకాలిక మలబద్ధకంతో బాధపడేవారికి ఇది ఒక సురక్షితమైన సహజ నివారణి. వేసవిలో వచ్చే మూత్రపిండాల సమస్యలు, మూత్రంలో మంటను తగ్గించడంలో గోందు కటిరా ప్రభావవంతంగా పనిచేస్తుంది. రాత్రంతా నీటిలో నానబెట్టినప్పుడు ఇది జెల్ లాగా మారుతుంది. ఈ జెల్ పేగుల లోపలి పొరపై ఒక రక్షణ కవచంలా ఏర్పడి, కడుపులో మంటను, అల్సర్ల వల్ల కలిగే నొప్పిని తగ్గిస్తుంది. మలబద్ధకంతో బాధపడేవారికి ఇది మల విసర్జన సాఫీగా జరిగేలా చేస్తుంది.
పేగుల రక్షణ (Soothing effect): పేగుల వాపు (Inflammation) లేదా ఇరిటబుల్ బవెల్ సిండ్రోమ్ (IBS) వంటి సమస్యలు ఉన్నవారికి గోండ్ కతీరా ఒక ఉపశమనకారిగా పనిచేస్తుంది. ఇది పేగుల గోడలపై ఒక రక్షక పొరలా ఏర్పడి ఇరిటేషన్ తగ్గిస్తుంది. శరీరంలోని మెటబాలిజంను పెంచడమే కాకుండా, ఇది తిన్న తర్వాత కడుపు నిండిన అనుభూతిని కలిగిస్తుంది. దీనివల్ల అతిగా తినడం తగ్గి, బరువు సులభంగా తగ్గుతారు.
ఎలా ఉపయోగించాలి?: 1-2 టీస్పూన్ల గోండ్ కతీరాను రాత్రంతా నీటిలో నానబెట్టాలి. ఉదయాన్నే అది జెల్ లాగా ఉబ్బి కనిపిస్తుంది. ఈ జెల్ను నిమ్మరసం, మజ్జిగ, పాలు లేదా లస్సీలో కలుపుకుని తాగవచ్చు. వేసవిలో వచ్చే డీహైడ్రేషన్, జీర్ణ సమస్యలను ఎదుర్కోవడానికి గోందు కటిరా ఒక ఉత్తమమైన మార్గం. అయితే, దీనిని తీసుకునేటప్పుడు తగినంత నీరు త్రాగడం చాలా ముఖ్యం, ఎందుకంటే ఇందులోని ఫైబర్ శరీరంలోని నీటిని గ్రహిస్తుంది. కృత్రిమ కూల్ డ్రింక్స్ కంటే గోందు కటిరా వంటి సహజ పానీయాలను తీసుకోవడం వల్ల ఆరోగ్యం మెరుగుపడుతుంది. ఈ సమ్మర్లో మీ డైట్లో దీనిని చేర్చుకుని చల్లగా, ఆరోగ్యంగా ఉండండి.