Lemon Juice Benefits: విటమిన్ సీ ఉండే నిమ్మరసంతో కలిగే ప్రయోజనాలేమిటో తెలిస్తే..ఎవరైనా ఆశ్చర్యపోవాల్సిందే..
ప్రస్తుత కాలంలోని జీవన విధానం, ఆహారపు అలవాట్ల కారణంగా మన ఆరోగ్యం నానాటికీ క్షీణిస్తుంది. ఇలాంటి సమయంలోనే పోషకాలతో కూడిన ఆహారాలను, సప్లిమెంట్లను తీసుకోవాలని వైద్యనిపుణులు సూచిస్తున్నారు. వారు సూచిస్తున్న ఆహారాలలో నిమ్మకాయ కూడా ఒకటి
ప్రస్తుత కాలంలోని జీవన విధానం, ఆహారపు అలవాట్ల కారణంగా మన ఆరోగ్యం నానాటికీ క్షీణిస్తుంది. ఇలాంటి సమయంలోనే పోషకాలతో కూడిన ఆహారాలను, సప్లిమెంట్లను తీసుకోవాలని వైద్యనిపుణులు సూచిస్తున్నారు. వారు సూచిస్తున్న ఆహారాలలో ఒకటైన నిమ్మకాయ ప్రయోజనాలేమిటో మనం ఇప్పుడు తెలుసుకుందాం..
నిమ్మకాయలో చాలా ప్రయోజనాలు ఉన్నాయి. రోజూ నిమ్మరసం తాగడం వల్ల శరీరానికి కావాల్సిన పోషకాలు అందుతాయని వైద్య నిపుణులు అంటున్నారు.
పడుకునే ముందు ఒక చెంచా తేనెను నిమ్మరసంలో కలిపి తీసుకుంటే నిద్ర బాగా పడుతుంది. అలాగే జీర్ణవ్యవస్థ పనితీరును కూడా మెరుగుపరుస్తుంది.
నిమ్మరసం ఎప్పుడైనా తీసుకోవచ్చు. ఇది శరీరంలో ఆల్కలీన్ వాతావరణాన్ని సృష్టిస్తుంది. అందుకే ఉదయం పూట తాగడం చాలా మంచిదని నిపుణులు చెబుతారు.
నిమ్మరసం తాగడం వల్ల మూత్రపిండాల ఆరోగ్యానికి ఎంతో మేలు జరుగుతుంది. కిడ్నీలో రాళ్లు ఏర్పడకుండా అడ్డుకుంటుందని పలు పరిశోధనలు చెబుతున్నాయి.
నిమ్మరసంలో విటమిన్ సి పుష్కలంగా ఉంటుంది. 100 గ్రాముల నిమ్మరసంలో 39 మి.గ్రా విటమిన్ సి ఉంటుంది. ఇది శరీర రోగనిరోధక శక్తిని బలోపేతం చేస్తుంది. తద్వారా సీజనల్ వ్యాధుల నుంచి శరీరం సురక్షితంగా ఉంటుంది.