Dark Chocolate: డార్క్ చాక్లెట్ల‌ను త‌ర‌చూ తింటే.. ఈ సమస్యలన్నీ మాయం..!
డార్క్ చాక్లెట్.. ఇటీవలి కాలంలో చాలామంది అలవాటుగా తింటున్నారు. ఎందుకంటే.. డార్క్ చాక్లెట్లు ఆరోగ్యానికి మేలు చేస్తాయని నిపుణులు చెబుతున్నారు. వీటిల్లో కొకొవా అధికంగా ఉంటుంది. చక్కెర స్థాయిలు త‌క్కువ‌గా ఉంటాయి. అలాంటి చాక్లెట్ల‌ను తింటే మ‌న ఆరోగ్యానికి మేలు జ‌రుగుతుంద‌ని వైద్య నిపుణులు చెబుతున్నారు. ఆయా లాభాలేంటో ఇక్కడ తెలుసుకుందాం..
డార్క్ చాక్లెట్ల‌లో అనేక పోష‌కాలు ఉంటాయి. ప‌లు విట‌మిన్లు, మిన‌ర‌ల్స్‌తోపాటు యాంటీ ఆక్సిడెంట్లు స‌మృద్ధిగా ఉంటాయి. క‌నుక డార్క్ చాక్లెట్ల‌ను త‌ర‌చూ తింటే ఆరోగ్య ప‌ర‌మైన లాభాల‌ను పొంద‌వ‌చ్చ‌ని అంటున్నారు. డార్క్ చాక్లెట్ల‌లో ఫ్లేవ‌నాల్స్ అన‌బ‌డే స‌మ్మేళ‌నాలు స‌మృద్ధిగా ఉంటాయి. ఇవి గుండెకు ఎంత‌గానో మేలు చేస్తాయి. రక్త‌నాళాల‌ను ప్ర‌శాంత ప‌రుస్తాయి.
అధ్య‌య‌నం ప్ర‌కారం డార్క్ చాక్లెట్ల‌ను త‌ర‌చూ తినే వారిలో గుండె పోటు వ‌చ్చే చాన్స్ 37 శాతం వ‌ర‌కు త‌క్కువ‌గా ఉంటుంది. అలాగే గుండె జ‌బ్బులు వ‌చ్చే అవ‌కాశాలు 29 శాతం వ‌ర‌కు త‌గ్గుతాయ‌ని చెప్పారు. క‌నుక డార్క్ చాక్లెట్ల‌ను త‌ర‌చూ తింటుంటే గుండెను ఆరోగ్యంగా ఉంచుకోవ‌చ్చు.
డార్క్ చాక్లెట్‌ను తీసుకోవడం వల్ల గుండె ఆరోగ్యంగా ఉంటుంది. డార్క్ చాక్లెట్ శరీరంలో నైట్రిక్ ఆక్సైడ్ లెవెల్స్‌ను పెంచుతుంది. గుండెను ఆరోగ్యంగా మార్చుతుంది. డార్క్ చాక్లెట్‌ను క్రమం తప్పకుండా తీసుకోవడం వల్ల ఒత్తిడి తగ్గుతుంది. మానసిక ఆరోగ్యం మెరుగుపడుతుంది.
డార్క్ చాక్లెట్లో కేలరీలు ఎక్కువగా ఉన్నప్పటికీ బరువు తగ్గడానికి అనుకూలంగా ఉంటుంది. షుగర్ పేషెంట్లకు కూడా డార్క్ చాక్లెట్ ప్రయోజనకరంగా ఉంటుంది. వీటిని తింటే రక్తంలో చక్కెర స్థాయిలు మెరుగుపడతాయి. డార్క్ చాక్లెట్‌ను తీసుకుంటే ఆకలి అదుపులో ఉంటుంది. దీంతో బరువు పెరిగిపోకుండా ఉంటారు. నొప్పులతో బాధపడే వాళ్లు డార్క్ చాక్లెట్ తింటే చాలా మంచిది. డార్క్ చాక్లెట్ తింటే నొప్పుల నుంచి ఉపశమనం లభిస్తుంది.
గట్‌లో మంచి బ్యాక్టీరియా పెరుగుదలకు డార్క్ చాక్లెట్ సహాయపడుతుంది. అలాగే ఇందులో యాంటీ ఆక్సిడెంట్లు కూడా ఎక్కువగా ఉంటాయి. డార్క్ చాక్లెట్లో ఉండే ఫ్యాటీ యాసిడ్స్ డిప్రెషన్ నుంచి ఉపశమనాన్ని అందిస్తాయి. డార్క్ చాక్లెట్లో మెగ్నీషియం, యాంటీ ఆక్సిడెంట్లు కూడా ఉంటాయి. డార్క్ చాక్లెట్‌ను తీసుకుంటే చర్మ ఆరోగ్యం కూడా మెరుగుపడుతుంది. డార్క్ చాక్లెట్‌వృద్ధాప్య ఛాయల తగ్గిస్తుంది.